Magpaka-tigtukod sa usa ka Pamilya

“Ako tigtukod nga nagtrabaho sa matag adlaw sa pagtukod sa akong pamilya (“Ang Akong Mahangturong Pamilya,” 2009 Outline para sa Panahon sa Pagpakigbahin [Sharing Time] ug sa Pasundayag sa mga Bata sa Sakrament Miting, 10–11).

Nakahunahuna ka ba sukad mahitungod sa tanang mga pamilya nga ikaw kabahin niana? Ang tanan nga mga pamilya nga gihulagway niini nga mga pahina mga importante ug nagtabang kaninyo nga molambo. Alang sa kada pamilya, pangita og duha ka mga talan-awon diha sa ubos nga nagpakita og paagi nga ikaw mahimo nga usa ka tigtukod sa pamilya.

Ang Pamilya sa Langitnong Amahan

Kamo adunay hingpit, imortal nga langitnong mga ginikanan kinsa nahigugma kaninyo sa hingpit ug nasayud sa tanan nga nahitabo sa inyong kinabuhi. Sa kanunay kamo masakop ngadto niini nga pamilya, ug mao usab ang tanang uban nga espiritung mga anak sa Langitnong Amahan. Kini nagpasabut nga ang kada tawo sa yuta imong espiritung igsoon nga lalaki o babaye.

Ang Inyong Pamilya

Kini ang mga tawo nga inyong labing nailhan—inahan, amahan, mga igsoong lalaki, ug mga igsoong babaye. Ang Langitnong Amahan mibutang kaninyo diha sa usa ka pamilya aron adunay mga tawo nga mohigugma kaninyo, motudlo kaninyo, ug motabang kaninyo sa paglambo.

Ang Inyong mga Paryente

Mga apohan, mga ig-agaw, mga iyaan, ug mga uyoan tanan kabahin sa inyong paryente. Naghatag gani kini kaninyo og mas daghang mga tawo nga higugmaon!

Ang Inyong Umaabut nga Pamilya

Ang tawo nga inyong minyoan sa umaabut ug ang mga anak nga inyong maangkon mahimong kabahin niining importante kaayo nga pamilya. Pagplano nga magpabugkos didto sa templo ug sunda ang ebanghelyo diha sa inyong panimalay aron ang inyong pamilya magkauban sa kahangturan.

Ang Inyong Pamilya sa Simbahan

Ang mga miyembro sa inyong ward o branch sama sa mga sakop sa pamilya kinsa nag-amuma kaninyo ug naninguha sa pagtabang sa usag usa. Ang mga miyembro sa Simbahan nagtawganay sa usag usa og “Brother” ug “Sister” tungod kay sila nabunyagan ngadto sa ebanghelyo ni Jesukristo. Ang tanan nga mga miyembro sa Simbahan sa tibuok kalibutan usa ka dako kaayo nga pamilya!

Paghulagway pinaagi ni Adam Koford

Welcome sa Primary