Diha sa Web

Ang Website Nagdala sa Tindahan sa Simbahan ngadto sa mga Miyembro sa Tibuok Kalibutan

Uban sa dugang nga tulo ka mga pinulongan sa store.lds.org, ang pag-access sa mga materyal sa Simbahan nahimo nang mas sayon alang sa liboan ka mga miyembro. Ang website, nga naghulip sa ldscatalog.com, orihinal nga gipagawas sa Iningles, Russian, ug Spanish, apan karon ang French, German, ug Italian anaa na usab.

Ang mga materyal kalabut sa ebanghelyo—mga abag sa pagtuon, musika, media, art, mga garment, sinina alang sa templo, ug uban pang mga kapanguhaan—walay bayad sa pagpadala bisan asa nga anaa ang site.

Ang mga plano napahimutang na aron magamit ang store.lds.org sa Chinese, Japanese, Korean, ug Portuguese sa umaabut.

Mga Update Gipagawas alang sa Gospel Library App

Ang Simbahan mipagawas og mga update sa Gospel Library app alang sa Android, iPad, ug iPhone sa mobile.lds.org.

Samtang ang miaging Android app nagtanyag lamang og pipila ka mahinungdanong mga pagmantala, ang update makahatag og access ngadto sa mga magasin sa Simbahan, mga manwal, ug uban pa.

Ang update sa app alang sa iPad ug iPhone motugot sa mga tiggamit sa pagpahiangay sa mga pagpasabut bahin sa kasulatan tali sa mobile app ug My Study Notebook diha sa LDS.org, naghimo niini nga posible aron makita ang mga gisulat, mga highlight, ug mga tag diha sa internet ug diha sa usa ka himan sa mobile.