2011
Nag-andam sa Pagbuhat og mga Bunyag alang sa Patay
Septyembre 2011

Nag-andam sa Pagbuhat og mga Bunyag alang sa Patay

Ni Elyssa J. Kirkham

Kon kamo 12 anyos ang edad, mahimong kamo adunay oportunidad sa pag-adto sa templo aron bunyagan ug kumpirmahan alang niadto kinsa namatay nga walay oportunidad sa pagdawat sa ebanghelyo. Ania ang pipila ka mga paagi sa pag-andam sa pagsulod sa templo ug bation ang Balaang Espiritu didto.

Unsaon sa Pag-andam

  • Pagbaton og hugot nga pagtuo kang Jesukristo. Pagpabunyag ug pagpakumpirma nga usa ka miyembro sa Iyang Simbahan. Ang mga lalaki kinahanglan nga naghupot sa Aaronic Priesthood.

  • Pagsunod sa mga sugo ug paghimo og maayo nga mga pagpili. Paghinulsol kon nagbuhat ka og sayop.

  • Magpa-interview ngadto sa inyong bishop o presidente sa branch. Kon ikaw takus, mohatag siya kanimo og may kinutuban nga paggamit sa rekomend sa templo.

  • Tabang sa paghimo og buhat sa family history aron kamo makadala og mga pangalan sa pamilya ngadto sa templo, kon mahimo.

  • Pagtuon sa mga kasulatan ug sa mga pamantalaan sa Simbahan (sama sa Oktubre 2010 Liahona) nga motabang kanimo sa pagsabut sa buhat sa templo.

Nianang Adlawa

  • Pagsul-ob og sinina nga pangsimba. Paglimpyo ug paghapsay sa hitsura.

  • Pagbasa sa mga kasulatan o mga magasin sa Simbahan, o paminaw og makapabayaw nga musika.

  • Pag-ampo nga mobati sa Espiritu Santo kon kamo anaa sa templo.

  • Ayaw pagdala og mga basahon, elektronics, o musika padulong ngadto sa templo nga dili motabang kaninyo nga mobati og balaan nga pagtahud.

Diha sa Templo

  • Kamo hatagan og puti nga sinina nga ilisan. Ang puti simbolo sa kaputli ug kalimpyo.

  • Diha sa baptismal font mahimong makatan-aw kamo sa uban nga gibunyagan alang sa patay.

  • Samtang kamo naghulat, kamo makaampo ug makapamalandong. Ang templo usa ka espesyal nga dapit diin kamo mas maduol ngadto sa Langitnong Amahan.

  • Pagakumpirmahan kamo alang sa mga tawo kinsa nga mga bunyag napahigayon alang kanila.

  • Paghunahuna mahitungod niadto nga inyong gibunyagan ug gikumpirmahan ug ang mga panalangin nga karon maanaa kanila tungod sa imong serbisyo sa templo.

Paghulagway sa litrato pinaagi ni Christina Smith