Mga Istorya kabahin ni Jesus
Nagtudlo si Jesus Kon Unsaon Pagtagad ang Uban
Gikan sa Lucas 10:25–37.
Ang mga Judeo ug ang mga Samarianhon dili magkasinabut sa usag usa. Dili gusto ang mga Judeo sa mga tawo kinsa mipuyo sa Samaria. Mituo sila nga sila mas maayo kay sa mga Samarianhon ug naningkamot sa dili pag-agi diha sa ilang yuta. Kon makakita sila og mga Samarianhon, dili sila makigsulti kanila.
Apan gitudlo ni Jesus nga kamo kinahanglan nga motagad sa mga tawo sama lamang nga kamo gusto kanila nga motagad kaninyo. Kana nagpasabut ba kaha sa pagtagad sa mga tawo sa mabination nga paagi bisan og ikaw wala makaila kanila o bisan kon sila mga Samarianhon?
Miingon si Jesus nga ang mga tawo kinahanglan nga mohigugma sa ilang mga silingan. Apan ang silingan ba mao lamang ang usa ka tawo kinsa mipuyo sa duol o sa usa ka tawo kinsa sama kaninyo? Miasoy si Jesus og usa ka istorya sa pagtabang sa mga tawo sa pagsabut kon unsaon nila pagtagad ang uban.
Diha sa istorya usa ka Judeo nga lalaki mibiyahe diha sa dalan gikan sa Jerusalem ngadto sa Jerico. Usa kini ka makuyaw nga dalan nga nagsaka agi og tungason nga mga bungtod. Ang mga kawatan kasagaran nagtago sa luyo sa dagko nga mga bato ug dayon maningkamot sa pagpahunong ug pagpangawat sa mga biyahero.
Giatake sa mga kawatan ang tawo ug gibun-og siya og maayo. Gikuha ang iyang mga saput ug gibiyaan siya sa daplin sa dalan aron mamatay.
Usa ka pari nga nagbiyahe diha sa dalan nakakita sa samaran nga tawo. Apan midali siya ngadto sa pikas nga bahin sa dalan ug mipadayon sa iyang paglakaw.
Sunod, usa ka Levite nga tawo miabut ug nakit-an ang samaran nga tawo Siya usab mitabok ngadto sa pikas nga bahin ug midali, wala mohunong sa pagtabang.
Katapusan, usa ka tawo gikan sa Samaria miagi. Sa diha nga iyang nakita ang tawo kinsa giatake, gibati niya ang kalooy ug mihunong sa pagtabang.
Gihugasan ug gibugkusan sa Samarianhon ang mga samad sa tawo, gipasakay sa iyang kaugalingon nga asno, ug gidala siya ngadto sa usa ka balay abutanan, diin makapahulay siya ug makakaon. Gibayran og kwarta sa Samarianhon ang tigbantay sa balay abutanan aron amumahan ang samaran nga tawo hangtud ang tawo maayo.
Gipakita sa Samarianhon sa samaran nga tawo ang pagkamabination ug kalooy. Gitagad siya sama sa usa ka silingan.
Gusto ni Jesus nga tagdon nato ang uban sama sa gibuhat sa maayo nga Samarianhon.
Samaria
Suba sa Jordan
Jerusalem
Jerico
Detalye gikan sa Si Kristo ug ang Datu nga Batan-ong Tigmando, ni Heinrich Hofmann, sa maayong kabubut-on sa C. Harrison Conroy Co.; mga paghulagway pinaagi ni Dan Burr; paghulagway sa litrato pinaagi ni Cody Bell