Pagdala sa Primary ngadto sa Panimalay
Ang Ebanghelyo Isangyaw ngadto sa Tibuok Kalibutan
“Kini nga ebanghelyo isangyaw ngadto sa matag kanasuran, ug kaliwatan, ug pinulongan, ug katawhan” (D&P 133:37).
Inyong magamit kini nga leksyon ug kalihokan sa pagkat-on og dugang mahitungod sa tema sa Primary karong bulana.
Nakaamgo ba kamo nga diyutay ra kaayo nga mga tawo dinhi sa kalibutan ang nakabaton sa mga panalangin nga anaa kaninyo tungod kay kamo nahisakop sa tinuod nga Simbahan ni Jesukristo? Daghang mga tawo ang wala masayud nga sila mga anak sa Langitnong Amahan ug nga sila makaampo ngadto Kaniya ug Siya motubag. Wala sila masayud mahitungod sa mga panalangin nga mahimo nilang maangkon tungod sa ebanghelyo. Ang Langitnong Amahan gusto nga kita mopakigbahin sa ebanghelyo ngadto sa tanan.
Tungod kay adunay daghan kaayong mga tawo nga nagkinahanglan nga makadungog sa ebanghelyo, ang mga misyonaryo gitawag aron moserbisyo sa nagkalain-laing mga dapit sa kalibutan. Ang mga misyonaryo nagtudlo sa mga tawo sa unsay kinahanglan nilang masayran ug buhaton aron makabalik og puyo uban sa Langitnong Amahan ug ni Jesus.
Si Presidente Thomas S. Monson miingon nga kamo makaandam nga mahimong usa ka misyonaryo karon, bisan kon bata pa kamo. Makadapit kamo sa inyong mga higala ngadto sa simbahan, sa mga kalihokan, o sa family home evening. Ang labing maayo nga mga paagi nga kamo mahimong usa ka misyonaryo karon mao ang pagpakita og gugma ug pagkamaayong ehemplo alang sa inyong mga higala.
Kalihokan
Ipapilit ang pahina 65 sa mas baga nga papel ug guntinga ang 16 ka mga kard. Ikulob ang mga kard diha sa patag nga lugar. Puli-puliha og pahayang ang duha ka mga kard sa usa ka higayon, sulayi ang pagpangita sa kard nga adunay pulong ug kard nga adunay hulagway nga magkatukma. Samtang nagdula kamo, paghunahuna og mga butang nga mahimo ninyong buhaton aron mahimong usa ka misyonaryo karon.
Pagdala og usa ka higala ngadto sa Primary
“Kini nga ebanghelyo isangyaw ngadto sa matag kanasuran.”
Mga sister nga misyonaryo
Mga Kasulatan
Pilia ang matarung
Mga Elder
Bunyag
Missionary Training Center
Mga paghulagway pinaagi ni Dilleen Marsh