Avea o se Faufale Faaleaiga

“O a’u o se faufale e galue i aso uma e fau lo’u aiga” (“O Lo’u Aiga e Faavavau,” 2009 Otootoga mo le Taimi o Fetufaaiga ma le Polokalama a Tamaiti i le Sauniga Faamanatuga, 10–11).

Pe na e mafaufau ea i aiga uma o avea ai oe ma se itutino? O aiga uma o loo faamatalaina i nei itulau e taua ma o le a fesoasoani ia te oe e tuputupu ae ai. Mo aiga taitasi, saili mai auala e lua o loo i lalo e faailoa ai le ala e avea ai oe ma se e fausia se aiga.

Aiga o le Tama Faalelagi

Ua ia te oe ni matua faalelagi atoatoa ma ola pea o e alolofa ia te oe ma le atoatoa ma silafia mea uma o loo tupu i lou olaga. E avea pea oe ma se tasi o lenei aiga, ma e faapea uma lava isi fanau agaga a le Tama Faalelagi. O lona uiga o tagata uma lava o i le lalolagi o sou uso po o sou tuafafine agaga.

Lou Aiga

O tagata nei e sili ona e iloaina—tina, tama, tuagane, ma tuafafine. Na tuuina oe e le Tama Faalelagi i se aiga ina ia i ai ni tagata e alolofa ia te oe, aoaoina oe, ma fesoasoani i lou tuputupu ae.

Lou Aiga Lautele

Matua matutua, tausoga, uso ma tuafafine o outou matua, o vaega uma ia o lou aiga lautele. Ua tuuina atu ai ia te oe le tele o tagata e te alofa i ai!

Lou Aiga mo le Lumanai

O le tagata o le a e faaipoipo i ai i se aso ma fanau o le a e mauaina o le a avea ma se vaega o lenei aiga sili ona taua. Fuafua e faamau i le malumalu ma ola i le talalelei i lou fale ina ia mafai ona faatasia lou aiga e faavavau.

Lou Aiga Faalelotu

O tagata o lau uarota po o paranesi e pei o ni tagata o le aiga o e popole ma taumafai e fesoasoani le tasi i le isi. E valaau e tagata o le Ekalesia isi o “Uso” ma “Tuafafine” aua ua papatisoina i latou i totonu o le talalelei a Iesu Keriso. O tagata uma o le Ekalesia i le lalolagi atoa o se aiga maoae e tasi!

Ata na tusia e Adam Koford

Susū mai i le Peraimeri