I Luga o le Uepi

O Le Uepisaite ua Ave atu ai le Faleoloa a le Ekalesia i le Au Paia i le Lalolagi Atoa

Faatasi ai ma le faaopoopoga o gagana e tolu i le store.lds.org, ua faapea ona atili faigofie ai ona maua e le faitau afe o le au paia ia ‘anomea a le Ekalesia. O le uepisaite, lea ua suia ai le ldscatalog.com, sa muai faalauiloaina i le gagana Peretania, Rusia, ma le Sipaniolo, ae o lea ua maua foi i gagana Farani, Siamani, ma Italia.

O anomea o le Talalelei—o fesoasoani mo suesuega, musika, ala o faasalalauga, faatufugaga, ofusa, laei o le malumalu, ma isi punaoa—e auina atu e aunoa ma se totogi i soo se nofoaga e maua ai le saite.

Ua i ai ni fuafuaga ia maua i le lumanai le store.lds.org i gagana Saina, Iapani, Korea, ma Potukale.

Faalauiloa Faafouga mo le Polokalama Komepiuta o le Faletusi o le Talalelei

Ua faalauiloa e le Ekalesia faafouga i le polokalama o le Faletusi o le Talalelei mo le Android, iPad, ma le iPhone i le mobile.lds.org.

O le polokalama o le Android sa i ai muamua sa na o ni nai lomiga autu na ofoina atu ai, ae o le faafouga ua mafai ai ona maua mekasini a le Ekalesia, tusi lesona, ma isi mea e tele.

O le faafouga i le polokalama o le iPad ma le iPhone o le a mafai ai e tagata e faaaogaina ona faafetaui faamatalaga o mau i le va o le polokalama feaveai ma le My Study Notebook i le LDS.org, e mafai ai ona vaavaai i faamatalaga, itu e sili ona taua, ma faailoga i luga o le initoneti ma luga o se masini feaveai.