O La Tatou Itulau

Milagros T., 11 tausaga, Peru

Guo J., 10 tausaga, Taiwan

O loo faatalitali ma le migao tamaiti o le Peraimeri a le Uarota a Tumán, le Siteki a Pomalca Peru, mo le taimi e amata ai le Peraimeri.

Faatasi ai ma le Tatalo, na Vave ona Te’a le Fefe ma le Tiga

I se tasi o Aso Sa sa oo mai ai i totonu o lo matou fale se pusi ma’i. Sa tagi leotele ma e le masani ai, ma sa le alu lava i fafo o le fale. Sa ou fefe i le pusi, o lea sa ou filifili loa e tatalo. Ina ua uma la’u tatalo, ua mafai e Mama ona ave i fafo le pusi mai le fale.

Talu ai nei lava na fai ai se taotoga tiga o Mama. Sa ou tatalo malosi ina ia manuia lena taotoga. Ina ua sau o ia i le fale mai le falemai, sa ou vaai ia te ia o tagi, ma na fai mai o ia sa tiga tele. Sa ou fai atu ia te ia pe manao ou te faia se tatalo, ma sa ia fai mai ioe. Sa ou tootuli ifo i lalo ma aioi atu i le Tama Faalelagi ina ia aveese ona tiga. Ina ua uma le tatalo, sa ataata lo’u tina, ma sa ia opoina atu ma kisi mai ia te au.

Ou te iloa e alofa ma agalelei le Tama Faalelagi, ma afai ou te fefe pe i ai se mea e tiga, e mafai ona ou tatalo ia te Ia ma e le umi ae alu ese le fefe ma le tiga.

Helamana F., 5 tausaga, Pasila

O Helamana ma lona uso o, Ezra, e 10 tausaga

Afai e te manao e auina mai sau ata tusi, ata pue, aafiaga, molimau, po o se tusi mo la Tatou Itulau, ia i-meli mai i le [e-mail], ma tusi ai le “Our Page” i le laina o le mataupu. Pe lafo mai foi i le:

Liahona, Our Page
50 E. North Temple St., Rm.2420
Salt Lake City, UT 84150-0024, USA

O tusiga taitasi e auina mai e tatau ona i ai le igoa atoa o le tamaitiiti, itupa, ma lona matua (e tatau ona 3 i le 12 tausaga le matua) faatasi ai ma igoa o matua, uarota po o le paranesi, ma le siteki po o le itu, ma le faatagaga tusitusia a matua (e taliaina i-meli) e faaaogaina ai le ata o le tamaitiiti ma le tusiga na auina mai. E ono faasa’oina tusiga e auina mai mo le manino po o le uumi.