Valaauliaina o Iakopo

Saunia e Chad E. Phares

E faavae i se tala moni

“O le mea lea, afai o ia te outou le manao e auauna atu i le Atua ua valaauina outou i le galuega” (MFF 4:3).

1. Tama, e mafai ona ou valaaulia Iakopo i le lotu i le aso?

   O se manatu lelei tele, Eric. O le a ou valaau i lona fale mo oe.

2. Fai mai lo’u tina e mafai ona tatou o i le lotu!

   Lelei tele!

3. Sa maua e Eric ma Iakopo le fiafia i le lotu. Sa la aoao e uiga i le tatalo ma usu ni pese i le taimi o le fetufaaiga. Na fiafia Eric sa na valaauliaina ia Iakopo.

4. O le vaiaso na sosoo ai, na toe valaau atu foi Eric ia Iakopo.

   E te manao ta te o i le lotu i le aso?

   Leai, e le mafai nei. Ou te alu e taalo i le fale o lo’u tinamatua.

   Ia, ua LELEI.

5. Pe tatou te pikiina nei ia Iakopo?

   Leai, fai mai o ia e le fia alu nei.

   O le a la sou lagona?

   Ua fai si o’u faanoanoa.

6. Ou te faanoanoa ua e le fiafia. Manatua e faatagaina i tatou e le Tama Faalelagi tatou te filifili mo i tatou lava. Atonu e mafai ona e valaauliaina Iakopo i se isi taimi.

   Tama, e mafai ona ou valaauliaina o ia i le vaiaso a sau?

   Ioe e mafai. O oe o se uo lelei.

7. Na toe valaau atu Eric ia Iakopo i le vaiaso na sosoo ai.

   E te manao tatou te o i le lotu i le aso?

   Ioe.

8. Na fiafia Eric na toe o ma Iakopo i le lotu. Na iloa e Eric e mafai ona filifili Iakopo mo ia lava ma afai e fia alu pe leai foi, ae ua ia filifili e na te valaauliaina ia Iakopo i vaiaso uma ina ia maua ai e ia le avanoa.

Ata na tusia e Scott Peck