Makakaplag Ako og mga Tubag pinaagi sa Kinatibuk-ang Komperensya

Nagtudlo si Presidente Uchtdorf nga kon ikaw naghunahuna og pipila ka mga pangutana sa wala pa ang kinatibuk-ang komperensya, ang Ginoo makasulti nganha kanimo pinaagi sa Iyang mga propeta ug mga apostoles sa panahon sa komperensya.

Isip usa ka pamilya o klase, hisguti kon unsay imong kinahanglan nga makat-unan, magtinagsa o mag-uban ba. (Sama pananglit: Unsaon ko pagpalig-on ang akong pagpamatuod? Unsaon ko pag-atubang ang problema diha sa eskwelahan?) Diha sa usa ka piraso nga papel o diha sa imong journal, isulat ang imong mga pangutana.
Sa mga semana nga nagsingabut ang komperensya, ikaw makahunahuna og makaampo mahitungod niini nga mga pangutana.
Paminaw og maayo sa panahon sa komperensya (mahimong makatabang kini ang pagkuha og mubo nga mga sulat). Dayon isulat kon giunsa sa Ginoo—pinaagi sa mga lider sa Simbahan—pagtubag sa imong mga pangutana.
Diha sa lain nga piraso sa papel, makadrawing ka og hulagway sa imong kaugalingon nga nagbuhat sa unsay imong nakat-unan.