Mga Ideya sa Family Home Evening

Kini nga isyu naglangkob og mga artikulo ug mga kalihokan nga mahimong magamit alang sa family home evening. Ang mosunod mao ang pipila ka mga ehemplo.

“Nagkaplag og Kalinaw sa mga Panahon sa Kasamok,” pahina 12: Sa dili pa mobasa sa artikulo, mahimo ninyong hangyoon ang inyong pamilya sa paglista og pipila ka piho nga mga hagit nga ilang giatubang. Dayon gamita ang mga sugyot ni Elder Malm sa paghisgut og mga paagi sa pagkaplag og kalinaw panahon sa mga pagsulay.

“Ang mga Ordinansa sa Templo Makabugkos sa Pamilya sa Kahangturan,” pahina 16: Sa dili pa mobasa sa artikulo, mahimo ninyong dapiton ang inyong pamilya sa paghisgut kon unsa ang gipasabut sa pulong nga saad. Ikonsiderar ang pagbasa sa Doktrina ug mga Pakigsaad 82:10 ug paghisgut kon ngano nga importante kaayo ang paghimo ug pagtuman sa mga saad ngadto sa Ginoo. Samtang dungan kamong magbasa sa artikulo, ikonsiderar ang paghatag sa inyong pagpamatuod kon sa unsang paagiha nga ang pagtuman sa mga pakigsaad makapanalangin sa inyong kinabuhi.

“Katungdanan ngadto sa Dios kauban ni Papa,” pahina 54: Magkuha og inspirasyon gikan niini nga artikulo, makasugod kamo sa pagtrabaho sa usa ka kalihokan gikan sa Katungdanan ngadto sa Dios o sa Personal nga Kauswagan, bisan kon kamo walay mga anak nga tin-edyer (inyong makita ang materyal diha sa DutyToGod.lds.org ug PersonalProgress.lds.org). Kon kamo adunay mga anak nga tin-edyer nga miapil na, ikonsiderar nga ang mga amahan motrabaho kauban ang anak nga mga babaye ug ang mga inahan motrabaho kauban ang anak nga mga lalaki.

“Ang Ebanghelyo Isangyaw ngadto sa Tibuok Kalibutan,” pahina 64: Agig dugang sa pagdula sa memory game alang sa mas batan-on nga mga sakop sa pamilya, mahimo kamong mokanta og “Called to Serve” (Hymns, nu. 249). Ikonsiderar ang pagpalambo og plano sa pamilya nga pang-misyonaryo, lakip na ang mga tumong sama sa pagdapit og usa ka pamilya ngadto sa kalihokan sa Simbahan o pagsulat sa mga misyonaryo nga nagserbisyo gikan sa inyong ward.