Manatu mo Afiafi Faaleaiga

O lenei lomiga e aofia ai tusiga ma gaoioiga e mafai ona faaaoga mo afiafi faaleaiga. O nai faataitaiga nei.

“Mauaina o le Filemu i Taimi Faigata,” itulau e 12: A o lei faitauina le tusiga, atonu e te manao e fai atu i lou aiga e lisi mai nisi o luitau faapitoa o latou feagai. Ona faaaoga lea o fautuaga a Elder Malm e talanoa ai i auala e maua ai le filemu i taimi o faigata.

“O Le Sauniga o le Faamauga e Fesootai Faatasi ai ia Aiga e Faavavau,” itulau e 16: A o lei faitauina le tusiga, atonu o le a e fai atu i lou aiga e talanoa pe o le a le uiga o le upu folafolaga. Mafaufau e faitau le Mataupu Faavae ma Feagaiga 82:10 ma talanoa i le mafuaaga e taua tele ai le osia ma le tausia o folafolaga ma le Alii. A o outou faitauina faatasi le tusiga, mafaufau e tuu atu lau molimau i le ala ua faamanuiaina ai lou olaga i le tausia o feagaiga.

“Tiute i le Atua faatasi ma Tamā,” itulau e 54: O le musuia ai e lenei tusiga, e mafai ona e amata galue i se gaoioiga mai le Tiute i le Atua po o le Alualu i Luma o le Tagata Lava Ia, e tusa lava pe le o i ai sau fanau talavou (e mafai ona e maua ia tusi i le DutyToGod.lds.org ma le PersonalProgress.lds.org). Afai e le o i ai sau fanau talavou ua auai i nei polokalama, mafaufau e faagalulue faatasi tamā ma afafine ae o tina ma atalii.

“O Le A Talai Atu le Talalelei i le Lalolagi Uma,” itulau e 64: E faaopoopo atu i le faia o le taaloga o mea e manatua mo tagata laiti ifo o le aiga, e mafai ona outou usuina le pese “Tofia e Auauna” (Viiga, nu. 156). Mafaufau e fai se fuafuaga faafaifeautalai faaleaiga, ia aofia ai ni sini e pei o le valaauliaina o se aiga i se gaoioiga a le Ekalesia po o le tusia o ni tusi i faifeautalai o la outou uarota o loo i ai i le galuega.