Maanindot nga mga Kalihokan sa Pamilya
Ang mga pamilya nga kanunayng moapil sa maanindot nga mga kalihokan nga manag-uban makabati og mas dakong gugma ug panagdait. Ang mga kalihokan sa pamilya naghatag og oportunidad sa mga ginikanan sa paghisgut sa ebanghelyo ngadto sa mga anak, ug ang mga anak sa kanunay mas andam nga maminaw ug mosunod sa mga ginikanan kon sila mobati nga suod kanila.
Ang maanindot nga mga kalihokan sa pamilya naglakip sa:
-
Family home evening: Si Presidente Gordon B. Hinckley (1910–2008) miingon, “Mahinungdanon kaayo nga ang mga amahan ug mga inahan molingkod uban sa ilang mga anak, duyog nga mag-ampo, motudlo kanila sa mga pamaagi sa Ginoo, motuon sa ilang mga problema sa pamilya, ug tugutan ang mga anak nga mopadayag sa ilang mga talento.”1
-
Mga kalihokan sa pagserbisyo nga kauban ang pamilya: Mahimo kamong mobisita og usa ka tigulang nga miyembro sa inyong ward o mamunit sa mga basura libut sa kasilinganan.
-
Tagsa-tagsa nga mga pagpanuroy uban nila ni Mama o Papa: Nagtugot kini sa mga anak sa pagmugna og indibidwal ug personal nga pakigsuod sa ilang mga ginikanan.