Ko Hono ʻOmi ʻo e Palaimelí ki ʻApi
ʻOku Tāpuekina Kitautolu ʻi Heʻetau Fili ki he Totonú
ʻE lava ke ke fakaʻaongaʻi e lēsoni mo e ʻekitivitī ko ʻení ke lahi ange ai hoʻo ʻilo ki he kaveinga ʻa e Palaimelí ki he māhina ní.
Naʻe fai e soka ʻa Taniela mo hono ngaahi kaungāmeʻá mo ʻene sio atu ʻoku tangutu toko taha pē ʻa Siosefa ʻo sio heʻenau vaʻingá. Naʻe ʻikai ke fuʻu poto ʻa Siosefa he soká. Ka naʻe lahi ange ʻa e fie maʻu ʻe Taniela ke kau ʻa Siosefa he vaʻingá ʻi haʻanau mālohi. Naʻá ne tōtō mai kia Siosefa ʻo ʻeke ange, “ʻOkú ke fie vaʻinga mo kimautolu?”
Naʻe fili ʻa Taniela ki he totonú.
Kuo ʻosi palōmesi mai e Tamai Hēvaní mo Sīsū Kalaisi ʻe tāpuekina kitautolu ʻi heʻetau fili ki he totonú. ʻOku ʻi ai ha ngaahi sīpinga māʻoniʻoni ʻi he folofolá ke tau muimui ki ai. Ko ha sīpinga ʻeni ʻe ua:
-
Naʻe fakahaofi ʻe Noa ha kau mēmipa tokolahi ʻo hono fāmilí mei he Lōmakí ʻi heʻene muimui ʻi he fekau ʻa e ʻEikí ke foʻu e ʻaʻaké. (Vakai, Sēnesi 6–8.)
-
ʻI he taimi naʻe motu ai e kaufana tuli manu ʻa Nīfaí, naʻe ʻikai ke ne foʻi ka ne ngaohi ha kaufana foʻou. Naʻe lotu ʻene tamaí, ʻa Līhai, ke maʻu ha tokoni pea naʻe tataki ʻe he ʻEikí ʻa Nīfai ki he feituʻu ʻe maʻu ai e meʻakaí. (Vakai, 1 Nīfai 16:18–32.)
Taimi ʻe niʻihi ʻoku faingataʻa ke fili ki he totonú, ka ʻi he taimi ʻoku tau fai ai iá, ʻoku tāpuakiʻi kitautolu ʻe he Tamai Hēvaní. ʻI heʻetau fai e ngaahi fili ʻoku leleí, ʻoku lava ke tau ongoʻi ʻa e melino mo e fiefia.
Ngaahi tā fakatātā ʻa Apryl Stott