Tohi ki he ʻĒtitá
ʻOku ou Ongoʻi e Laumālié ʻi Heʻeku Laukongá
ʻOku hounga kiate au ʻa e ngāue kotoa pē ʻoku fakahoko ke maʻu e Liahoná, pea ʻoku ou ongoʻi e Laumālié ʻi he taimi ʻoku ou lau ai iá. Kuó u ako mo fakalaulauloto kimuí ni mai ki he pōpoaki ʻa Palesiteni Tieta F. ʻUkitofa “Ko e Tatali ʻi he Hala ki Tāmasikusí” (Liahona, Mē 2011, 70). Kuo tokoniʻi au ʻe he fakamatalá ni mo ha ngaahi fakamatala kehe pē ʻi he makasiní ke u toe lelei ange mo kumi ha ngaahi founga ke fakaleleiʻi ʻaki hoku ngaahi vaivaí.
ʻEletā ʻEmaini ʻEtuate ʻAsapā, Misiona ʻAfilika Tonga Tēpení
Ngaahi Pōpoaki mei he ʻOtuá
ʻOku ou maʻu ʻi he Liahoná ha ngaahi pōpoaki mei he ʻOtuá—ʻa ia ʻoku fakafou mai ʻi Heʻene kau tamaioʻeikí, ko e kau palōfita mo e kau ʻaposetolo moʻuí. ʻE maʻu ngofua ia ʻe kinautolu ʻoku fekumi ki ha tataki fakalaumālié ʻo kapau te nau ako e makasiní ʻi he loto fakamātoato.
Manuela ti ʻAlauho Fenanitesi, Mōsemipiiki
ʻOku ou Maʻu Maʻu Pē e Ngaahi Tali
ʻOku fakamālohia ʻe he Liahoná ʻeku fakamoʻoni ʻoku ʻofa mo tokanga mai ʻa e Tamai Hēvaní mo Sīsū Kalaisi kiate kitautolu takitaha. ʻOku ou vēkeveke ke lau e makasiní ʻi he māhina takitaha he ʻoku ou maʻu maʻu pē ai e tali ki heʻeku ngaahi lotú. ʻOku ou houngaʻia ʻi he faingamālie ke maʻu e ngaahi folofola ʻa e ʻEikí ʻi he foungá ni.
Kalōtia A. Posotolosi, Filipaini