Ko Hoku Ngaahi Tuʻunga MAHUʻINGA ʻi he Ongoongoleleí

Te u muimui ʻi he palani ʻa e Tamai Hēvaní maʻakú.

Te u manatuʻi ʻeku fuakava ʻi hoku papitaisó pea fakaongoongo ki he Laumālie Māʻoniʻoní.

Te u fili ki he totonú. ʻOku ou ʻiloʻi te u lava ʻo fakatomala ʻi heʻeku fai ha fehālaaki.

Te u faitotonu ki he Tamai Hēvaní, niʻihi kehé, pea kiate au foki.

Te u fakaʻaongaʻi ʻi he loto ʻapasia ʻa e huafa ʻo e Tamai Hēvaní mo Sīsū Kalaisí. He ʻikai ke u takuanoa, kapekape pe lea taʻefeʻunga.

Te u fai pē ʻi he Sāpaté ʻa e ngaahi meʻa ko ia te ne tokoniʻi au ke u toe ofi ange ai ki he Tamai Hēvaní mo Sīsū Kalaisí.

Te u fakaʻapaʻapa ki heʻeku mātuʻá mo fai hoku fatongia ke fakamālohia hoku fāmilí.

Te u tauhi ʻeku fakakaukaú mo hoku sinó ke toputapu mo maʻa, pea he ʻikai ke u maʻu ha meʻa ʻe fakatuʻutāmaki kiate au.

Te u teunga taau ke fakahaaʻi ʻaki ʻeku fakaʻapaʻapa ki he Tamai Hēvaní pea kiate au foki.

Te u lautohi mo sio pē ʻi he ngaahi meʻa ʻoku fakahōifua ki he Tamai Hēvaní.

Te u fakafanongo pē ki he hiva ʻoku fakahōifua ki he Tamai Hēvaní.

Te u kumi haku ngaahi kaungāmeʻa lelei peá u anga-ʻofa foki ki he niʻihi kehé.

Te u moʻui taau leva he taimí ni ke u hū ʻi he temipalé pea fai hoku fatongiá ke maʻu ha fāmili ʻoku taʻengatá.

Ko e Fānau Au ʻa e ʻOtuá.

ʻOku ou ʻiloʻi ʻoku ʻofeina au ʻe he Tamai Hēvaní, pea ʻoku ou ʻofa ʻiate Ia.

ʻE lava ke u lotu ki he Tamai Hēvaní ʻi ha faʻahinga taimi, mo ha feituʻu pē.

ʻOku ou feinga ke u manatuʻi pea muimui kia Sīsū Kalaisi.