ʻOkú ke pehē ko e hā e meʻa mahuʻinga taha ʻe lava ke maʻu ʻe ha tokotaha ako he seminelí mo e ʻinisititiutí?
ʻOkú ke pehē ko e hā e meʻa mahuʻinga taha ʻe lava ke maʻu ʻe ha tokotaha ako mei he seminelí mo e ʻinisititiutí? ʻI hono ʻeke ʻe ha fānau ako semineli ʻa e fehuʻi ko ʻení kia ʻEletā Paula V. Sionisoni ʻo e Kau Fitungofulú pea ko e Komisiona he Potungāue Ako ʻa e Siasí, naʻá ne tali mai ko e meʻa mahuʻinga taha te ke lava ʻo maʻú “ko e fakamoʻoni moʻoni ko e Kalaisí ʻa Sīsū. Ko e mahino ko ia ko e ʻilo moʻoní ʻa e ʻilo fakalaumālié. ʻA e meʻa ko ia ʻoku haʻu mei he Laumālie Māʻoniʻoní ki hotau laumālié fakatāutahá. Ko e moʻoni mālohi tahá ia, ko e meʻa mālohi taha ia ʻe lava ke maʻu mei he seminelí mo e ʻinisititiutí. ʻOku ʻikai ke ne liliu ʻa e meʻa ʻokú ke ʻiló; ʻokú ne liliu koe, pea ʻokú ne liliu e anga hoʻo vakai ki he māmaní. ʻE tokoni ʻa e faʻahinga ako māʻolunga ange ko iá ke ke fakakakato hoʻo ako kehé” (“A Higher Education,” New Era, Apr. 2009, 15).
Ko ʻEletā Sionisoní ko e taha ʻo ha kau Taki Māʻolunga tokolahi kuo nau lea kau ki he ngaahi tāpuaki fakaʻofoʻofa ʻoku maʻu mei he ʻalu ki he seminelí mo e ʻinisititiutí. Ko ia kapau ʻokú ke fifili pe ʻoku totonu ke ke ʻalu ki he seminelí, ko e ngaahi ʻuhinga lelei ʻeni ʻoku ʻomi ʻe he kau palōfitá mo e kau ʻaposetoló.
Tā ʻo Sipenisā W. Kimipoló tuʻunga ʻi he angalelei ʻa e LDS Church Archives