Uso i le Igoa ma le Faatuatua

Saunia e Heather Wrigley

Mekasini a le Ekalesia

O Maria ma Diana D. e le na o se auuso; o i laua foi o se uo mamae lava. O Diana e 10 tausaga le matua, ae o Maria sa atoa lona 12 ia Aokuso ua te’a. E nonofo i laua i Romania, lea e i ai le tusa ma le 3,000 o tagata o le Ekalesia. La te faatumauina le malolosi o o laua faatuatua ia Iesu Keriso e ala i le o i le lotu, faitauina o tusitusiga paia, ma tatalo.

“Ua ou aoaoina i le lotu ia ou faatuatua i le Atua,” o le tala lea a Maria. I se tasi aso sa fai ai sana suega, o lea sa tatalo ai o ia i le Tama Faalelagi i le suafa o Iesu Keriso mo se fesoasoani. Ina ua maua sona togi lelei, sa ia lagonaina sa pei na fesoasoani atu le Tama Faalelagi ia te ia.

Fai mai Diana o le Tusi a Mamona e fesoasoani ia te ia e maua ai lona faatuatua. “O aso uma lava ou te faitauina ai le Tusi a Mamona, ou te maua se aso lelei,” na ia fai mai ai. O le tala i tusitusiga paia e sili ona fiafia i ai o le tala ia Iosefa Samita. “Sa tatalo o ia, ma sa fesoasoani mai le Atua ma Iesu Keriso ia te ia,” na ia fai mai ai.

Sukalati

O le meaai suamalie e fiafia uma i ai le auuso o le sukalati: E fiafia Maria i brownies, ae fiafia Diana i keke sukalati.

Pese e Sili ona Fiafia i Ai

O Maria ma Diana e ta piano uma. O le pese e sili ona fiafia i ai Maria o le “Ia Fealofani.” E faatatau i le poloaiga a Iesu ia alofa atu i isi tagata. Toeitiiti lava a lelei atoatoa le taina e Diana, ae o le faaiuga o le vaega aupito faigata lea, o lana tala lea.

Ou te Fia Vaai i le Malumalu

E mananao uma Maria ma Diana ia faaipoipoina i le malumalu i se aso. La te nonofo i le Itu o le Malumalu o Kyiv Iukureini.

A matua Diana, o le a alu o ia i le Malumalu o Kyiv Iukureini e fai papatisoga mo e ua maliliu. Ua lava le matua o Maria e alu ai. O le malumalu e tusa e 500 maila (805 km) le mamao.

E Muamua le Aiga

E alolofa Maria ma Diana i o laua matua. “E fofo maua e tina pe a ma mama’i,” o le tala lea a Maria. “O Tama e aveina i maua i le aoga,” na fai mai ai Diana.

Viiga

O le viiga e sili ona fiafia i ai Diana o le “Sa Iutaia o Leoleo Lelei,” lea e faamatala ai le taimi na fanau mai ai Iesu Keriso. E faaaoga e le au paia i Romania le tusi pese lanumeamata a le Ekalesia. O le “Imnuri” o lona uiga o “viiga” i le Faa-Romania.

Ata pue o le auuso na saunia e Adam C. Olson; ata tusi o le keke ma brownies na saunia e Thomas S. Child