O Le BibleVideos.LDS.org o Se Meaalofa i le Lalolagi

I le taimi o le Faigalotu o le Kerisimasi a le Au Peresitene Sili i le 2011, sa faalauiloa atu ai e taitai o le Ekalesia le uepisaite o Vitio Faaletusi Paia o le Soifuaga o Iesu Keriso, o se “meaalofa” i le lalolagi.

O le BibleVideos.lds.org o se punaoa mo vitio muamua puupuu e faaalia ai vaaiga mai le soifuaga o Keriso, e mai le muai faailoaina mai e le agelu o le fanau mai o Keriso e oo atu i le Toetu o le Faaola.

O Peresitene Henry B. Eyring, Fesoasoani Muamua i le Au Peresitene Sili, sa fofogaina le faalauiloaina o lenei saite i le taimi o le faigalotu.

Sa saunoa o ia, “E pei o mau o loo mulimulita’ia ma le faamaoni e nei ata pupuu, atonu e foliga mai e taaligoligoa. O lou faatuatua ma le Agaga Paia o le a fatuina lagona ua tatau ai i nei mea ua suia ai le lalolagi.”

O anomea mo vitio na saunia mai ata na pueina i le Lotoa fou a le LDS Motion Picture Studio South i Goshen, Iuta, lea na amataina ai ia Aokuso 2011 le pueina o le Galuega Faatino o le New Testament Scripture Library.

O le galuega faatino o le a maua ai le silia ma le 100 o ni ata vitio pupuu e faaalia ai le soifuaga o Keriso, na aumaia sao mai le anotusi o le Tusi Paia o le Lomiga a King James.

O le uepisaite e i ai se mamanu faigofie mo le maimoaina ma e maua i le gagana Peretania (BibleVideos.lds.org), Sipaniolo (videosdelabiblia.org), ma le Potukale (videosdabiblia.org). O loo maua foi se polokalama iPad e mauafua, ua ofoina atu ai se auala fou e maimoaina ai tala o le Tusi Paia e ala i le matamata, leo, ma le pa’i i ai.

O lea la, ua toeitiiti atoa le 100 o vitio o loo faaalia ai vaaiga o le Feagaiga Fou i le soifuaga o Keriso, o le a maua i le uepisaite O Le Vitio o le Tusi Paia o le Soifuaga o Iesu Keriso.

CREDIT: ??