Nguvu ya Upatanisho

Ioriti Taburuea, Kiribati

Wakati wamisionari walinifundisha, mada kuu katika masomo yao ilikuwa kila mara Yesu Kristo na Upatanisho Wake. Walieleza kwamba Upatanisho ni zawadi kutoka kwa Yesu Kristo kwa ajili ya kila mmoja wetu. Ni kipawa ambacho tunaweza kutumia katika maisha yetu ya kila siku tunapokabiliwa na majaribio au tunapotenda dhambi. Nguvu ya Upatanisho inainua, inaponya, na inatusaidia kurudi kwenye njia adilifu na nyembamba ambayo inaongoza hata maisha ya milele.

Wamisionari walipokuwa wakishiriki haya, nilipata hisia kali ilioshuhudia kuwa ilikuwa ni ya kweli, na nikaamua kujiunga na Kanisa.

Baadaye niliamua kuhudumu katika misheni kwa sababu nilitaka kusaidia wengine kujua kuhusu kipawa hichi cha ajabu. Kwa kufundisha na kushiriki kuhusu Upatanisho, nimeona wengine wakibadilika kwa njia mpya ya maisha. Badiliko kamili lilinijia, si tu kwa kusikia kuhusu Upatanisho lakini kwa kuutumia katika maisha yangu pia.

Najua kwamba Upatanisho ni halisi. Tunapokaribisha ushawishi wake katika maisha yetu, haijalishi ni hali gani tunakabiliana nayo, kila kitu kinaweza kushughulikiwa na tutahisi furaha.