Kwa nini Tunahitaji Kitabu cha Mormoni

Picha na Bryan Beach; video capture © 2001 IRI

Baadhi ya watu wanaweza kukuuliza ni kwa nini tunahitaji Kitabu cha Mormoni wakati tayari tuna Biblia. Kwa kweli, Yesu Kristo alishuhudia kuwa hili lingetokea (ona 2 Nefi 29:3). Kuna sababu nyingi kwa nini Kitabu cha Mormoni ni muhimu katika siku yetu (kwa mfano, ona 2 Nefi 29:7–11). Hizi ni sababu chache tu kwa nini ni muhimu.

Ushahidi Mwingine wa Yesu Kristo

Maandiko yanatuonyesha mpangilio wa kutumia mashahidi wengi ili kudhibitisha ukweli katika Kanisa la Kristo. Kitabu cha Mormoni kinaongeza ushahidi wa pili kwa Biblia kama ushuhuda wa Kristo. Mzee Mark E. Petersen (1900–84) wa Jamii ya Mitume Kumi na Wawili aliwaikusema, “Sababu kuu tuna Kitabu cha Mormoni ni kwamba kwa mawaidha ya mashahidi wawili au watatu, mambo yote yatadhihirishwa. (Ona 2 Wak. 13:1.) Tuna Biblia, pia tuna Kitabu cha Mormoni. Vinajumuisha sauti mbili—maandishi mawili ya maandiko—kutoka kwa watu wawili wa kale waliotenganishwa kwa upana, wote wakishuhudia uungu wa Bwana Yesu Kristo.”¹ Rais Ezra Taft Benson (1899–1994) ameongeza, “Tusisahau kwamba Bwana mwenyewe alitoa Kitabu cha Mormoni kama ushahidi mkuu Wake.”²

Ukamilifu wa Injili

Tunajua kwamba “mambo wazi na ya thamani yalichukuliwa kutoka” Biblia katika wakati (1 Nefi 13:40). Kitabu cha Mormoni kinafafanua mafundisho ya Kristo na kuleta utimilifu wa injili duniani mara nyingine tena (ona 1 Nefi 13:38–41). Kwa mfano, Kitabu cha Mormoni kinatusaidia kujua kwamba ubatizo lazima ufanywe kwa kuzamishwa (ona 3 Nefi 11:26) na kwamba watoto wadogo hawana haja ya kubatizwa (ona Moroni 8:4–26).

Kitovu cha Kanisa la Urejesho

Joseph Smith alishuhudia ya kwamba Kitabu cha Mormoni ni “jiwe kuu la msingi katika dini yetu”³ (utangulizi wa Kitabu cha Mormoni). Kwa vile tunajua haya, haionekani bahati mbaya kwamba Kanisa la Yesu Kristo wa Watakatifu wa Siku za Mwisho liliundwa Aprili 6, 1830, siku 11 tu baada ya Kitabu cha Mormoni kuwa kinapatikana kwa mauzo kwa umma mnamo Machi 26, 1830. Kanisa halikuundwa mpaka maandiko yake makuu ya msingi yalikuwa yanapatikana kwa washiriki wake.

Baraka katika Maisha Yetu

Kuhusu Kitabu cha Mormoni, Joseph Smith alifundisha kwamba “mtu angemkaribia Mungu zaidi kwa kufuata mafunzo yake, zaidi ya kitabu kingine.”⁴ Kina uwezo wa kubadilisha maisha—ikiwa ni pamoja na yako na ya wale unaoshiriki Kitabu cha Mormoni nao. Rais Henry B. Eyring, Mshauri wa Kwanza katika Urais wa Kwanza, ameshuhudia, “Athari ya Kitabu cha Mormoni juu ya tabia yako, nguvu, na ujasiri kuwa shahidi wa Mungu ni wazi. Mafundisho na mifano ya ujasiri katika kitabu hicho itakuinua, itakuongoza na kukutia moyo. Kujifunza Kitabu cha Mormoni kwa maombi kutajenga imani katika Mungu Baba, katika Mwanawe Mpendwa, na katika injili Yake. Kutajenga imani yako katika manabii wa Mungu, wa kale na wa kisasa. Kunaweza kukuleta karibu na Mungu kuliko kitabu chochote kingine. Kinaweza kubadilisha maisha kuwa bora.”⁵

Muhtasari

1. Mark E. Petersen, “Evidence of Things Not Seen,” Ensign, May 1978, 63.

2. The Teachings of Ezra Taft Benson (1988), 204.

3. Joseph Smith, katika utangulizi wa Book of Mormon.

4. Joseph Smith, katika utangulizi wa Book of Mormon.

5. Henry B. Eyring, “A Witness,” Liahona, Nov. 2011, 69–70.

Mashahidi Wawili

“Biblia ni mmoja wa ushuhuda wa Yesu Kristo, Kitabu cha Mormoni ni mwingine. Kwa nini huu ushuhuda wa pili ni muhimu hivyo? Mchoro ufuatao unaweza ukasaidia: Unaweza kuchora mistari ngapi iliyonyooka kupitia kituo kimoja kwenye kipande cha karatasi? Jibu ni mingi. Kwa muda, tuseme kituo hicho kina wakilisha Biblia na kwamba mamia ya mistari hio iliyonyooka iliyochorwa kupitia kituo hicho inawakilisha tafsiri tofauti za Bibilia na kwamba kila moja ya tafsiri hizo zinawakilisha kanisa tofauti.

Nini kinafanyika, hata hivyo, ikiwa kwenye kipande hicho cha karatasi kuna kituo kingine kinachowakilisha Kitabu cha Mormoni? Mistari mingapi iliyonyooka inaweza kuchorwa kati ya pointi hizi mbili za rejeleo: Biblia na Kitabu cha Mormoni? Moja tu. Ufafanuzi mmoja tu wa mafundisho ya Kristo unawezakusalia ushuhuda wa ushuhuda huu muwili.

Tena na tena Kitabu cha Mormoni kinasimama kama ushuhuda, thibitisho,fafanuzi, unganishi ya mafundisho yanayofundishwa katika Biblia.

Mzee Tad R. Callister wa Urais wa Wale Sabini, “Kitabu cha Mormoni—Kitabu kutoka kwa Mungu,” Liahona, Nov. 2011, 75.

Jiunge na Mazungumzo

Aprili mzima mtakuwa mkijifunza kuhusu Uasi na Urejesho katika jamii zenu za ukuhani na Wasichana na Madarasa ya Shule ya Jumapili (kama kata yako au tawi lina masomo mapya katika lugha yako). Kuja kwa Kitabu cha Mormoni kulikuwa ni sehemu muhimu ya Urejesho. Baada ya kusoma makala haya, fikiria jinsi maisha yako ni tofauti kwa sababu una Kitabu cha Mormoni. Unaweza kuandika hisia zako katika shajara yako na fikiria kuzishiriki na wengine kwa kushuhudia nyumbani, kanisani, au kwenye vyombo vya habari vya kijamii.

Masomo ya Jumapili

Mada ya Mwezi Huu: Uasi na Urejesho