Fatuina o Musika i Iukana
Taitai le musika i luma o tagata uma? E mafai ona taitaia e Siaosi.
E le tele ni tamaiti e galulue i se valaauga o le Ekalesia ao lei faauu mai le Peraimeri. Peitai o Siaosi N. mai Uganda sa na o le lima tausaga le matua ae valaauina e avea ma taimipese i lana paranesi.
O le taimipese o le tagata lea e tu i luma o tagata uma i le taimi o le sauniga faamanatuga e taitai le usuina o le pese. O se galuega taua!
“Sa masani ona ou popole tele ao ou laitiiti,” o le tala lea a Siaosi. Ae e oo lava i lena taimi na te faia lava le mea sili. Sa faaleleia o ia i vaiaso uma. E lei uma ae ua ia taitaiina ma le to’a le musika.
E fiafia Siaosi e galue i lona valaauga. “Ua ou maua se lagona lelei,” na ia fai mai ai. “Ua ou lagona e pei ua i ai le Agaga i totonu o le potu.”
O le musika o se vaega tele lea o le olaga o Siaosi. Na te taina foi le piano ma le kitara. Ioe, e fesoasoani le sau o Siaosi mai se aiga musika. Latou te fiafia uma lava e pepese faatasi—o Siaosi, ona matua, ona tuafafine e toaono, ma lona uso e toatasi. Mai le ulumatua e oo i le uii o o latou igoa o Rosila, Miriama, Nancy, Ashley, Siaosi, Chayene, Onidah, ma Kitiona. O le latou pese e fiafia e usuina faatasi o se aiga “O Le Tatalo a le Tamaitiiti” (Tusipese a Tamaiti, 6).
I le taimi la lenei ua 12 ai tausaga o Siaosi, e pisi o ia i le taimi o le vaega o le sauniga faamanatuga pe a ia fesoasoani i le tufaina o le faamanatuga. O lona uso laitiiti, o Kitiona, e 5 tausaga, e fesoasoani i le taitaiina o le musika i nisi o taimi. Na aoao e Siaosi Kitiona i le auala e taitaia ai.
E ataata fiafia uma le auso pe a la taitaia le musika. Ua la iloa o loo la fesoasoani i le aumaia o le Agaga i le sauniga.
Atapue o le faaaloaloga a Karl ma Robin Beckle; ata na tusia e Phyllis Luch ma Bradley Clark