Manatu mo Afiafi Faaleaiga

O lenei lomiga o loo i ai tusiga ma gaoioiga e mafai ona faaaoga mo afiafi faaleaiga. O ni manatu nei e lua.

“O Le Mana o le Perisitua—Ua Avanoa mo Tagata Uma,” itulau 18: Ao lei faia le afiafi faaleaiga, faitau fesili e fa o loo fesiligia e Sister Burton i lenei lomiga. Aumai se tamai moli i le afiafi faaleaiga (ia mautinoa ua se’i le palaka). Tuu atu i tagata eseese o le aiga e taumafai e faaola. Faatusa le eletise e manaomia e faaaoga ai le moli i le mana o le perisitua. Palaka ma faaola le moli ma talanoaina pe mafai faapefea ona tatou manuia uma mai le malamalama o le moli, po o le mana o le perisitua. Tuu atu i tagata o le aiga e mafaufau i auala ua faamanuiaina ai i latou e le perisitua. E mafai ona e amata taulotoina ia mau o i le Mataupu Faavae ma Feagaiga 84 lea na fautuaina i tatou e Sister Burton e taulotoina.

“O Le Manatu Maoae a Vili,” itulau 78: E mafai ona e amata i le usuina o le pese “Ou Te Fia Vaai i le Malumalu” (Tusipese a Tamaiti, 95) po o se isi pese e uiga i malumalu. Faitau ma talanoaina o se aiga lenei lomiga pe aisea e taua ai malumalu. Fai atu i tagata taitoatasi o le aiga e tusi se ata o le malumalu, atonu o se tasi e pito sili ona latalata i le mea o e nofo ai. Mafaufau e tautau i luga ata na tusia ma le ata o i le itulau e 79 i totonu o lou fale i le mea o le a latou vaaia ai i aso uma. Talanoa pe faapefea e le vaaia o se ata o le malumalu ona faamanatu ia i tatou le faia o ni filifiliga o le a tausia ai lo tatou agavaa e ulu atu i le malumalu.

I Lau Gagana

O loo maua le Liahona ma isi tusi a le Ekalesia i le tele o gagana i languages.lds.org.