Aumaia o le Peraimeri i le Fale
O Sauniga o le Perisitua ma Galuega o le Malumalu ua Faamanuiaina ai Lo’u Aiga
E alala le tusitala i Iuta, ISA.
Aoao atili e uiga i le autu o le Peraimeri o le masina lenei!
Na tamoe atu Karl i le mea o taula ai vaa, ua fiafia e vaai i lona tama. O le tama o Karl o se faifaiva, ma e masani lava ona tamoe Karl e faafetaui o ia i le vaa i le faaiuga o le aso.
“Tope mai, Papa!” o le valaau atu lea a Karl. “Ou te manao e faaali atu ia te oe se ata sa ou tusiaina mo oe i le asō!”
“Lelei tele!”o le tala lea a Papa. “Ae e tatau ona ou taulaina muamua le vaa.”
Na matamata atu Karl ma le mataalia ao nonoaina e Papa i se maea mafiafia le vaa i le uafu. “Aisea e tatau ai ona matua mau le nonoaina?” O le fesili atu lea a Karl ao tosoina e Papa se faapona tele.
Na tusi Papa i le vaa i luga o le matafaga lea sa tele se pu i le pito i lalo. “E lei lelei le nonoaina o le vaa lena. O le afa lea na tea, na matala ai ma taia ai i papa.”
Na faalapopoa atu mata o Karl.
“E mafai ona e mafaufau i le auala o fesoasoani mai ai le Tama Faalelagi ia i tatou ina ia noatia ai pea ia te Ia ma ia tatou saogalemu ai?” Sa fesili atu ai Papa.
“O Tusitusiga Paia?” o le taumatemate mai lea a Karl.
“E sao lena,” o le tala lea a Papa. “Na Ia tuuina mai foi ia i tatou ia sauniga o le perisitua e pei o le papatisoga ma le faamanatuga. Na ma faaipoipo ma Mama i le malumalu ina ia mafai ona noatia faatasi e faavavau lo tatou aiga.”
Na toso mai e Karl le manoa ma fesoasoani ia Papa e tuuina atu i ai le toso faaiu. “Ua ta faia se nonoa sili ona mau i nonoa uma lava!”
Agavale: Ata na tusia e Jennifer Tolman; Taumatau: Ata na tusia e Elise Black