Sefuluai ma Taulaga

O le totogiina o sefuluai ma taulaga, e mafai ai ona aoaoina le fanau e tausia e le Alii Ana folafolaga.

I se tusiga i itulau e 60–61 o lenei lomiga, sa saunoa ai Elder Anthony D. Perkins o le Fitugafulu e uiga i le ala o le totogiina o le sefuluai ao le i faaaluina lana tupe maua ao talavou, na aoao ai o ia ia iloa le va o manaoga ma mea e manaomia.

Na faapea mai Elder Perkins ina ua ia tausia lenei poloaiga, “sa atili malosi lou faatuatua ma e oo lava i lou manao e tausia isi poloaiga a [le Alii].” Sa ia faataitaia se mataupu faavae o aoaoina i le Mo Le Malosi o le Autalavou: “E taua ou uiga faaalia i le totogiina o le sefuluai. … Ia totogi ma le naunautai ma se loto e tumu i le faafetai” ([2011], 38).

Fautuaga mo le Aoaoina o le Autalavou

E masani ona mafai ona aoao le autalavou mai faataitaiga a isi. Tagai “O Faamanuiaga o le Sefuluai” (Liahona, Mat. 2013, 26) e faitau ai e uiga i tagata e toalima o e sa faamanuiaina ona sa latou totogi le sefuluai. Talanoaina auala ua faamanuia ai lou aiga e le sefuluai. E mafai foi ona e talanoa e uiga i auala ua faamanuia ai e le sefuluai ma taulaga tagata uma o le Ekalesia.
Mafaufau e faitau faatasi le vaega o sefuluai ma taulaga anapogi i le Mo Le Malosi o le Autalavou (itulau 38–39). Atonu tou te talanoaina pe faapefea ona fesootai le sefuluai ma taulaga anapogi ma pe faapefea ona totogiina e lou aiga taulaga anapogi.

Fautuaga mo le Aoaoina o Tamaiti

Mafaufau e faaaoga le faataitaiga o i lalo: Tuu ni tupe siliva se 10 i luga o se laulau. Fesili atu i tagata o le aiga po o a ni o latou lagona pe afai e te fai atu o le a e tuuina atu ia i latou tupe siliva e iva ae o le a e taofia na o le tasi e fesoasoani ai e fausia le malo o le Alii. Mata o le a latou naunau e talia lena ofo? Ona mafai lea ona e faamalamalama atu mea e tutusa ai lenei tulaga ma le tulafono o le sefuluai.
E mafai ona e faaaoga le vaega “Mo Tamaiti Laiti” i le Liahona (itulau 70–72) o Aokuso 2011, e aofia ai se aafiaga moni o le olaga lea sa aoao ai e se tamaitiiti o le totogiina o le sefuluai o se filifiliga lelei—e tusa lava pe o lana foai o se tupe siliva e tasi. E mafai foi ona e faatumua faatasi ma lau fanau ia gaoioiga e faatatau i ai.

Ata na tusia e Taia Morley