Nofomalí mo e Angamaʻá
“Naʻe pulusi ʻe he Kau Palesitenisī ʻUluakí mo e Kōlomu ʻo e Toko Hongofulu Mā Uá [kimuí ni] ha tohi ki he kau taki ʻo e Siasí he funga ʻo e māmaní. Ko hano konga naʻe pehē: ‘He ʻikai hanga pea he ʻikai lava ʻe he ngaahi liliu ʻi he lao fakapuleʻangá ke ne liliu e fono kuo fokotuʻu ʻe he ʻOtuá ki he angamaʻá. ʻOku finangalo ʻa e ʻOtuá ke tau poupouʻi mo tauhi ʻEne ngaahi fekaú neongo e kehekehe ʻa e fakakaukaú pe ngaahi tōʻonga moʻui ʻa e sōsaietí. ʻOku mahino ʻene fono ʻo e angamaʻá: ʻoku toki taau pē ʻa e feohi fakasekisualé ʻi ha vahaʻa ʻo e tangata mo ha fefine kuó na mali ʻi he founga totonu mo fakalaó ko ha husepāniti mo ha uaifi.’
“Neongo e mavahe ʻa e māmaní mei he fono ʻa e ʻEikí ki he angamaʻá, ka ʻoku ʻikai ke tau pehē kitautolu. …
“Lolotonga hono toe fakaʻuhingaʻi ʻe he ngaahi puleʻanga lahi mo e fakafoʻituituí e nofomalí, ʻoku teʻeki fai pehē ʻa e ʻEikí. Ne fokotuʻu ʻe he ʻOtuá ʻi he kamataʻangá ʻa e malí ʻi he vahaʻa ʻo e tangatá mo e fefiné—ʻĀtama mo ʻIvi. Naʻá Ne fakataumuʻa e nofomalí ke mahulu atu ʻi he fakafiemālieʻi fakatāutahá mo e fiemālie ʻa e kakai lalahí ke mahuʻinga ange, pea ʻi ha tuʻunga maʻolunga e feituʻu totonu ke fāʻeleʻi, tanumaki mo ohi ai e fānaú. Ko e fāmilí ko ha koloa fakalangi.”
ʻEletā Neil L. Andersen ʻo e Kōlomu ʻo e Kau ʻAposetolo ʻe Toko Hongofulu Mā Uá, “Ngaahi Faingataʻa Fakalaumālié,” Liahona, Mē 2014, 19.