Maʻá e Fānau Īkí
Ne Kei Hoko Atu pē e Lue ʻa Selá
ʻOku nofo ʻa e tokotaha naʻá ne faʻú ʻi ʻIutā, USA.
Naʻe hopohopo mo punopuna ʻa Sela. Naʻá ne ne mateuteu ke lue takai ʻi he Ano Silivá mo hono fāmilí. Naʻe lele muʻa pē hono tuongaʻane ko Siuá.
Naʻe kamata ke vevela e laʻaá he uma ʻo Selá. Naʻe kamata ke ongosia hono vaʻé.
Naʻe pehē ange e Fineʻeikí, “ʻOku sai pē. Kuo tau mei aʻu ki heʻetau kaá.”
Tāpuni e Hala Fakakavakavá
Naʻe sio atu ʻa Sela ki ha maea lanu moli lahi ʻoku haʻi mai he halá. Naʻe pehē ange e Tangataʻeikí “ʻOku maumau e hala fakakavakavá. Kuo pau ke tau lue takai hake he anovaí.”
Naʻe pehē ange ʻe Sela, “Ka ʻoku ou fuʻu helaʻia!” Naʻe tangutu fakafulofula pē ʻa Siua ʻi he kelekelé.
Ne ʻeke ange ʻe he Fineʻeikí, “ʻOkú ke manatuʻi e talanoa ʻo e kau paioniá?”
Ne kamokamo pē ʻa Sela. Naʻá ne saiʻia he kau paioniá.
Naʻe pehē ange ʻe he Fineʻeikí, “Naʻe mamaʻo ʻaupito ʻenau lué! Naʻe fuʻu ʻafu he taimi ʻe niʻihi pea ne fuʻu momoko he taimi ʻe niʻihi. Ka naʻa nau kei lue pē. ʻI heʻenau aʻu ki honau ʻapi foʻoú, naʻa nau langa ha ngaahi fale mo ha ngaahi temipale.”
Ne fiefia ʻa Sela ʻi he hokohoko atu e lue ʻa e kau paioniá. Te ne lava foki mo ia ʻo hokohoko atu ʻene lué. Naʻá ne hapai atu hono nimá kia Siua. Naʻá ne pehē ange, “Tuʻu hake. ʻOku kei toe lahi pē ʻetau lué.”