Mahuʻinga Fakatokāteline
Ko e Tui ki he Nofo-malí
“ʻOku teʻeki ʻomi ʻe ha taha ha toe founga lelei ange ki hono ʻohake e toʻu tangata hokó ka ko ha ʻapi ʻo ha ongomātuʻa mali mo ha fānau. …
“ʻOku fie maʻu ke faʻa fakamanatu maʻu pē kiate kitautolu ʻo hangē ko hono fakamanatu mai kiate au ʻi Lomá, ʻa e foʻi moʻoni fakaofo mo fakafiemālie ko ia ko e nofomalí mo e fāmilí ʻa e meʻa ʻoku kei fakaʻamua mo toka ʻi he loto ʻo e kakai tokolahi tahá pea ʻoku ʻikai ke tau tuʻu toko taha pē ʻi he tui ko iá. Kuo teʻeki ha toe taimi ʻe faingataʻa ange ke potupotutatau ai ʻa e ngāué, fāmilí mo e fie maʻu fakatāutahá ka ko hotau kuongá ni. ʻI heʻetau hoko ko e siasí, ʻoku tau loto ke tokoni ʻi he meʻa kotoa pē te tau ala lavá ke faʻu mo poupouʻi ʻa e nofomalí mo e fāmili mālohí.”