Ngaahi Fakakaukau Maʻá e Efiafi Fakafāmili ʻi ʻApí
ʻOku ʻi he makasini ko ʻení ha ngaahi fakamatala mo e ngaahi ʻekitivitī ʻe lava ke fakaʻaongaʻi ʻi he efiafi fakafāmili ʻi ʻapí. Ko ha sīpinga ʻeni ʻe ua.
“ʻIkai ʻo e Māmaní,” peesi 56: Fakakaukau ke lau ʻa e aʻusia ʻa ʻEletā Peuli ki heʻene fili ke pukepuke ha ipu huʻakau ʻi he ngaahi fakatahaʻanga fakapisinisí. (Ki he maʻuʻanga fakamatala ki heʻene talanoá, vakai ki he peesi 57.) Aleaʻi mo ho fāmilí ha ngaahi founga fisifisimuʻa ke ʻi he māmaní ai kae ʻikai ʻo e māmaní. Hangē ko ení, ko e hā te ke lava ʻo fai kapau ʻe fakakaukau ha ngaahi kaungāmeʻa ke mamata ʻi ha vitiō taʻefeʻunga pe sio ponokālafi? ʻE founga fēfē haʻo talia ha taha ʻokú ne tukuhifo hoʻo tuí fekauʻaki mo Siosefa Sāmita, nofo-malí, pe ko e fono ʻo e angamaʻá? Manatuʻi e sīpinga ʻa Kalaisí ʻi hao tali ki he ngaahi fehuʻí ni mo ho fāmilí.
Toʻohemá: Fakafeʻiloaki ʻe Sīsū ʻa e Sākalamenití ki he Kau ʻAposetoló, fai ʻe Del Parson; toʻomataʻu: fakaikiiki mei he Sīsū Kalaisí, fai ʻe Harry Anderson; ʻĪmisi ʻo Kalaisí, fai ʻe Heinrich Hofmann, ʻi he angalelei ʻa e C. Harrison Conroy Co., Inc.
“Ko ha Ongo Foʻou,” peesi 78: Hili hoʻomou lau fakataha ʻa e fakamatalá, te mou lava ʻo aleaʻi ʻa e founga ʻoku lea mai ai ʻa e Laumālie Māʻoniʻoní kiate kitautolú. Fakaʻaongaʻi ʻa e ngaahi potu folofola hangē ko e Kalētia 5:22–23 (ʻomi ʻa e ongo ʻo e ʻofa, fiefia, melino, kātaki fuoloa, angavaivai, angalelei, tui, ʻamanaki lelei); Sione 14:26 (akoʻi ʻa e moʻoní mo fakamanatuʻi); ʻAlamā 19:6 (fetongi e fakapoʻulí ʻaki e maamá); Molonai 10:5 (fakahā ʻa e moʻoní); T&F 6:14–15 (fakamaama e ʻatamaí); 8:2–3 (fakahā ʻa e ngaahi fakakaukau ʻi he ʻatamaí, ngaahi ongo ʻi he lotó). Fakakaukau ke vahevahe ha ngaahi aʻusia fakatāutaha ki he taimi naʻá ke ongoʻi ai ʻa e Laumālie Māʻoniʻoní.