O, Jo! Po Tani?
Ajo mund të ndodhë kudo në shtëpi, në shkollë ose në shtëpinë e një shoku. Papritmas ti shikon diçka që e di se nuk është e mirë në një telefon, televizor, kompjuter apo aparat lojërash ose në një libër apo revistë. Tani çfarë mund të bësh për t’u ndier më mirë?
Largohu prej saj. Fike. Hiqe nga duart. Trajtoje sikur është helm për trurin tënd sepse e tillë është.
Tregoji mamit ose babit. Prindërit të njohin më së miri dhe dëshirojnë të të ndihmojnë që të jesh i sigurt dhe i lumtur. Mos u turpëro. Ajo që të ndodhi ty, i ndodh ndonjëherë thuajse kujtdo.
Vazhdo të flasësh. Mund të të ndihmojë t’i thuash mamit ose babit sa herë që ndonjë gjë që e pe gjatë ditës të bëri të ndiheshe në siklet. Prindërit mund të të ndihmojnë të bësh një plan për ta mbrojtur veten nga të parit e gjërave të papërshtatshme. Në ndihesh i zënë në kurth, i shqetësuar apo sikur do të shohësh prapë diçka të papërshtatshme, sigurohu që t’u tregosh atyre edhe për këtë.
Mos rri ulur duarkryq. Shiko ose lexo diçka të mirë. Bëj diçka gjallëruese. Bëj një vepër të mirë. Shko të rrish pranë familjes apo shokëve.
Kujtohu se cili je. Ti nuk je i keq për shkak të asaj që pe. Ti je një fëmijë i Perëndisë dhe Ai të do e dëshiron të të ndihmojë që të jesh i sigurt dhe i lumtur.
Lëre të shkojë. Përfytyroje veten sikur po lëshon një tullumbace dhe po e shikon të pluskojë teksa largohet. Përpiqu të qetësohesh e ta heqësh nga mendja atë që pe të pluskojë jashtë. Tani përfytyro tempullin, familjen tënde ose diçka tjetër që do fort ta shohësh.
Ilustrimet nga Shawna J. C. Tenney