Koha e Shkrimit të Shenjtë

Pjetri, Korneli dhe Engjëlli

Nga Erin Sanderson

Autorja jeton në Juta, SHBA.

Mësoni së bashku rreth Dhiatës së Re këtë vit!

Pasi Jezusi u ringjall dhe u kthye në qiell, Pjetri dhe Apostujt e tjerë predikuan në shumë vende, por vetëm te judenjtë.

Korneli ishte një oficer në ushtrinë romake. Ai besonte në Perëndi, por nuk ishte jude. Një engjëll iu shfaq atij dhe i tha të dërgonte njerëz që të thërrisnin Pjetrin. Korneli i dërgoi burrat e tij për të gjetur Pjetrin dhe Fryma e Shenjtë i tha Pjetrit të shkonte me ta.

Në shtëpinë e Kornelit, Pjetri u dha mësim shumë njerëzve që qenë mbledhur atje. Ai u tregoi rreth ungjillit të Jezu Krishtit dhe ata e ndien Frymën e Shenjtë dhe e dinin se ishte i vërtetë. Kur miqtë e Pjetrit zbuluan se ai kishte predikuar te njerëz që nuk qenë judenj, ata u tronditën. Por Pjetri u tha se ai kishte mësuar se ungjilli i Jezu Krishtit është për këdo. (Shih Veprat e Apostujve 10:1–48; 11:1–18.)

Biseda Familjare

Lexo Mateu 28:19–20. Flisni rreth mënyrës se si mund ta ndani ungjillin me këdo. Mendoni për pyetjet që miqtë apo fqinjët tuaj mund të kenë rreth ungjillit. Ti mund të ushtrohesh për bërjen e pyetjeve dhe dhënien e përgjigjeve për to duke interpretuar me role me familjen tënde.

Kënga: Zgjidhni një këngë rreth punës misionare, të tillë si “We’ll Bring the World His Truth” [“Botës t’Vërtetën e Tij do t’i Sjellim”] (Children’s Songbook, f. 172).

Shkrim i Shenjtë: Mateu 28:19–20

Material filmik: Shkoni te Biblevideos.org për të parë “Peter’s Revelation to Take the Gospel to the Gentiles” [“Zbulesa e Pjetrit për ta Çuar Ungjillin te Johebrenjtë”].

Këshillë për Shkrimin e Shenjtë

Ne mund t’i kuptojmë më mirë shkrimet e shenjta kur e ndajmë me të tjerët atë që po mësojmë. Lexo një fragment shkrimi të shenjtë me familjen tënde dhe fol rreth domethënies së fjalëve apo frazave të vështira, të asaj që shkrimi i shenjtë do të thotë për ty dhe të mënyrave për ta vënë në zbatim në jetën tënde.

Mëso më Shumë

Përpara se Pjetri të thirrej për të qenë dishepull, ai ishte peshkatar i njohur si Simon. Jezusi i dha atij emrin Pjetër që do të thotë “gur” ose ”shkëmb”. Pasi Jezusi u largua nga toka, Pjetri ishte Kryeapostulli dhe e udhëhoqi Kishën. Ai mbajti çelësat, apo autoritetin e priftërisë.

Përgatitu për të Ndarë me të Tjerët!

Një mënyrë për t’u bërë një misionar i mirë është të përpiqemi të bëhemi më shumë si Jezusi. Priti etiketat dhe plotëso një veçori të cilën do të dëshiroje ta ushtrosh. Ndoshta mund të punosh me të qenit “Plaku [Elder] i Sjellshëm” ose “Motra Mirënjohëse”. Vendose etiketën atje ku mund të të kujtojë për synimin tënd.

Plaku

Plaku

Motra

Motra

Majtas: ilustrim nga Craig Stapley; djathtas: detaj nga Pamja e Krishtit, nga Heinrich Hofmann, me mirësinë e C. Harrison Conroy Co.