2016
Ko e Foaki ʻAukai ʻa Uilifootí
Sānuali 2016

Ko e Foaki ʻAukai ʻa Uilifōtí

Fai ʻe ʻEletā Chi Hong (Sam) Wong

ʻO e Kau Fitungofulú

Official portrait of Elder Chi Hong (Sam) Wong of the First Quorum of the Seventy, 2014. Sustained 5 April 2014. Formerly of the Eighth Quorum of the Seventy.
Product Shot from January 2016 Liahona

ʻI he ʻaho ʻe taha naʻá ku mamata ai ki hoku foha lahi tahá, ko Uilifooti, ʻokú ne teuteu ha sila vahehongofulu. Mahalo naʻá ne taʻu nima ʻi he taimi ko iá. Naʻe ʻikai ke maʻu ʻe Uilifooti ha paʻanga, ko ia ne u fifili pe ko e hā e ʻuhinga ʻo ʻene totongi vahehongofulú. ʻI heʻeku ʻeke kiate iá, naʻá ne talamai ko ʻene totongi ha foaki ʻaukai.

Naʻe ʻikai maʻu ʻe Uilifooti ha paʻanga lahi. Ka naʻá ne kei fiefia pē ke totongi ha foaki ʻaukai.

Naʻe ongo kiate au ʻa ʻene ngāue angaʻofa ko ʻení. Naʻá ku ʻeke ange pe ko e hā naʻá ne fakakaukau ai ke fai peheé.

Naʻe tali mai ʻe Uilifooti, “ʻOku ʻikai haʻaku ngaahi fie maʻu. Ka ʻoku ou ʻilo ʻoku ʻi ai ha niʻihi kehe ʻoku ʻi ai ʻenau fie maʻu.” Naʻá ne ʻiloʻi ʻe tokoniʻi ʻe heʻene paʻangá ha kakai. Naʻá ne fiefia ʻaupito ai.

Naʻe akoʻi mai ʻe he kiʻi aʻusia faingofua ko ʻení kiate au ha lēsoni: ʻoku feongoongoi moʻoni ʻa e fānaú mo e Laumālié mo maʻu ha ʻofa faka-Kalaisi ʻoku fakanatula pē. Naʻe ʻikai ha fie maʻu ʻa Uilifooti pea naʻá ne ʻilo ʻe tokoni ia ki he niʻihi kehé. Naʻá ne loto fiemālie ke ne feilaulau.

ʻOku lelei ʻa e fakahū paʻangá. Ka naʻe akoʻi mai ʻe hoku foha kei talavoú kiate au ʻi heʻene sīpingá ha lēsoni. ʻI heʻetau fakafanongo ki he Laumālié, ʻoku tau lava ai ʻo fai tāpuekina e moʻui ʻa e niʻihi kehé ʻi he taimi ʻoku tau vahevahe ai ʻa e meʻa ʻoku tau maʻú.