Ko Hono Taukapoʻi e Tauʻatāina Fakalotú

Naʻe lea ʻa ʻEletā Tāleni H. ʻOakesi ʻo e Kōlomu ʻo e Kau ʻAposetolo ʻe Toko Hongofulu Mā Uá ki he Kosilio ʻa ʻĀsenitina ʻi he Fetuʻutaki Fakavahaʻa-puleʻangá (CARI) ʻi ʻĀsenitina ʻi he ʻaho 23 ʻo ʻEpeleli 2015.

ʻū taá © 2015 ʻe he Intellectual Reserve, Inc. Maʻu e totonu fakalao kotoa pē.

Ko kinautolu ʻoku tui ne foaki mai ʻe he ʻOtuá kiate kitautolu e malava ke tau fili ki he totonú mo e halá, kuo pau ke ngāue fakataha ke fakamālohia e tauʻatāina ke taukapoʻi pea mo muimui ki heʻetau ngaahi tui fakalotú, ko e lea ia ne fai ʻe ʻEletā Tāleni H. ʻOakesi ʻo e Kōlomu ʻo e Kau ʻAposetolo ʻe Toko Hongofulu Mā Uá, ʻi haʻane lea ki he Kosilio ʻa ʻĀsenitina ʻi he Fetuʻutaki Fakavahaʻa-puleʻangá.

Naʻá ne pehē, “ʻOku fakafalala ʻa hono paotoloaki e tauʻatāina fakalotú, ʻi he mahino mo e poupou ʻa e kakaí ki he tauʻatāina mahuʻinga ko ʻení. “ʻOku makatuʻunga ia ʻi he tuʻunga ʻulungāanga mahuʻinga ʻoku fakapipiki atu ʻe he kakaí ki he ngaahi akonaki totonú mo halá ʻi he ngaahi siasí, ngaahi falelotú mo e ngaahi temipalé. Kuo pau ke tokoniʻi e kakai tuí mo e kakai taʻetuí ke mahino kiate kinautolu ko e tui ki he ʻOtuá — neongo hano faʻahinga fakaʻuhingaʻi — ʻokú ne liliu e ngaahi akonaki fakalotú ʻo hoko ko e ʻulungaanga maʻa ʻoku taaʻimālie ai e puleʻangá.”