Ko e Sākalamēnití

ʻOku faʻa lea ha kau lea tokolahi ʻi he kaveinga tatau pē ʻo e ongoongoleleí. Ko e meʻa ʻeni ne lea ʻaki ʻe ha kau lea ʻe toko tolu o fekauʻaki mo e sākalamēnití:

Kapau te tau maʻu ʻa e sākalamēnití ʻi he tui, ʻe malava leva ʻe he Laumālie Māʻoniʻoní ʻo maluʻi kitautolu mo kinautolu ʻoku tau ʻofa aí mei he ngaahi ʻahiʻahi ʻoku fakautuutu ʻene toutou hoko maí. — Palesiteni Henry B. Eyring, “Ko e Hoko ʻa e Laumālie Māʻoniʻoní ko ho Takauá,” 104.
“ʻOku hoko ʻa e Sāpaté mo e sākalamēnití ko ha konga fakafiefia ange ʻi heʻetau ako ki he ngaahi talanoa ʻo Kalaisí. ʻI heʻetau fai iá, ʻoku tau fokotuʻu ai ha ngaahi tukufakaholo ʻokú ne langaki ʻetau tuí mo ʻetau fakamoʻoní pea mo maluʻi foki hotau fāmilí.” — ʻEletā Claudio R. M. Costa, “ʻOku Nau Manatu Maʻu ai Pē Kiate Ia,” 101.
Ko ha taimi fungani ia ke fehuʻi ki he ʻEikí, “Ko e hā ʻoku teʻeki ai ke u faí?” ʻa e taimi ko ia ʻoku tau kai ai e sākalamēnití. … ʻI he ʻātakai molumalu ko ʻení, hangē ko e tafoki ʻetau ngaahi fakakaukaú ki he langí, ʻoku pehē pē mo e lava ke fakahā mai ʻe he ʻEikí e meʻa ke tau fakaleleiʻí.” — ʻEletā Larry R. Lawrence, “Ko e Hā ʻOku Teʻeki Ai Ke u Faí?” 34.