2016
Femoʻuekina
Sānuali 2016

Femoʻuekina

Three images: 1) In Latvia, members—dressed in Mormon Helping Hands vests and T-shirts—cleaned a community area, gathering 70 bags of trash. 2) In the Solomon Islands, members helped install tanks to provide clean water for about 2,000 people. 3) In Honduras, 600 Latter-day Saint youth worked alongside community members and medical and military representatives to clean areas that attract mosquitoes.

Mei taupotu ki ʻolungá: Ko e ngāue ʻa ha kau tokoni ʻofa ʻi Lativia, ʻOtu Motu Solomoné pea mo Honitula.

ʻOku “femoʻuekina” (vakai, T&F 58:27) ʻi he fai leleí he funga ʻo e māmaní. Ko ha ngaahi meʻa mahuʻinga ʻeni mei he taʻu kuo ʻosí:

  • Naʻe ngāue ha toʻu tupu ʻe toko 600 ʻo e Siasí ʻi Honitula fakataha mo e kau mēmipa ʻo e koló mo e kau fakafofonga fakafaitoʻo mo fakakautaú, ke fakamaʻa e ngaahi feituʻu ʻoku nau tohoakiʻi e namú.

  • ʻI ʻInitiá, naʻe vali ai ʻe he toʻu tupu ʻo e Siasí ha ngaahi holo mo fakamaʻa ha ngaahi lokiako ʻi he Ako Māʻolunga ʻa e Puleʻangá maʻá e Tamaiki Fefiné ʻi Haipapeti.

  • ʻI Lativiá, naʻe tui ʻe he kāingalotú e sāketi mo e falani Nima Fietokoni ʻo e Kau Māmongá — ʻo nau fakamaʻa e koló mo fakafonu ha tangai veve lalahi ʻe 70.

  • ʻI Tongá, naʻe tānaki ʻe he Kāingalotú ʻo fakafolau atu ha ngaahi tangai manioke mo e mei ki Vanuatu ke tokoni ki he niʻihi ne uesia ʻi he Sakolone ko Pēmí.

  • ʻI Malēsiá naʻe ngāue fakataha e Siasí mo ha ngaahi kautaha ʻa e puleʻangá ke foaki ha nāunau ngaohi mo tuku ʻaisi ai e meʻatokoní ki he niʻihi ne uesia ʻi he tāfeá pea mo akoʻi foki e kakai fefiné ki he founga teuteu meʻatokoní ʻo fakaʻaongaʻi ʻa e meʻa heu ʻuhilá mo ha ʻōvani.

  • ʻI he ʻOtu Solomoné, naʻe tokoni ai e kāingalotú ke fokotuʻu ha ʻū tangikē ke maʻu ai ha vai maʻa ʻa ha kakai ʻe meimei toko 2,000.

  • ʻI Lūsiá, naʻe kau ai e Kāingalotú ki hano fakamaʻa e koló ʻi he fakaʻosinga ʻo e uike Toetuʻú.

  • ʻI Toaké, naʻe kau ai ha kau mēmipa ʻo e Siasí ki ha kuaea fakatahataha mo e ngaahi tui fakalotu kehé naʻe kau ki ai e kau Katoliká, Palotisaní pea mo e Mosilemí.