Naan in Katak an Kōrā
Leddik ro Nejin Jemād Indeeo
Kanooj jar im ekkatak kōn katak in im pukōt n̄an jeļā ta eo n̄an kwaļo̧k. Ad meļeļe “Baam̧le Eo: Juon Naan in Kean̄ n̄an Laļ in” kōļapļo̧k tōmak eo am̧ ilo Anij im kōjeraam̧m̧an ro kwoj mije ilo am̧ loļo̧k im katakin er? N̄an meļeļe ko reļļapļo̧k, etal n̄an reliefsociety.lds.org.
Tōmak, Baam̧le, Deeor
Jeje ko rekwojarjar rej katakin kōj bwe “kōj ro nejin Anij” (Jerbal 17:29). Anij ekar kōnono kōn Emma Smith, kōrā eo pāleen Rikanaan Josep Smith, āinwōt “leddik eo nejū” (K&B 25:1). Naan in kean̄ an baam̧le eo ej katakin bwe kōj kajjojo “juōn jetōb jitōnbōro … likao im jiron̄ nejin jined im jemed ilan̄.”1
“Ilo [jikin in] ilo mour eo m̧okta, jaar katak kōn kadkad eo ad kōrā indeeo,” Carole M. Stephens ekar ba, rikōkapilōklōk eo kein kajuon ilo būreejtōnji eo eutiej an Doulul eo an Kōrā.
“Iaļ in ito itak in ad tok n̄an laļ in ekar jab ukōt m̧ool kein.”2
“Jemed Ilan̄ ejeļā etam̧ im ejeļā jekjek ko am̧,” Elder Jeffrey R. Holland jān Doulul eo an Jon̄oulruo Rijjilōk ro ekar ba. “E ej ron̄jake jar ko am̧. E ejeļā ta ko kwoj kōjatdikdik kaki im ettōņak kaki, ekoba mijak ko am̧ im inepata ko.”3
“Kōj kajjojo jej an im jemenin aikuj ilo baam̧le eo an Anij,” Sister Stephens ekar ba. “Baam̧le ko ad ioon laļ in aolep rej oktak. Im tōre in jej kōm̧m̧ane jon̄an eo em̧m̧antata n̄an ejaake imminene ko rekajoor an baam̧le ko, membōr in baam̧le eo ej an Anij ejjab jeno̧lo̧k ilo jabdewōt jekjek—eļan̄n̄e rim̧are, eļan̄n̄e m̧am̧a ak baba, jon̄an jāān, wāween iiaio, ak kain jekjek rot jej likūt ilo iaļan bōk meļeļe ko.”4
Bar jet eoon ko
Jān Bwebwenato eo Ad
Ilo bwebwenato eo kōn Visōn eo Jinointata,5 Rikanaan Josep Smith ej kam̧ool elōn̄ m̧ool ko—ekoba an Jemedwōj Ilan̄ jeļā kajjeed kōn et ko etad.
Josep ekar kate bwe en jeļa ewi kabun̄ eo n̄an kobaļo̧k ie im kar loe naan in tōl in ilo Jemes 1:5. Josep ekar ba bwe enaaj kajjitōk ippān Anij.
Juon jibbon̄ in spring ilo 1820, ekar etal n̄an bukwin wōjke ko n̄an jar ak ejjab etto kajoor in maroklep ekar itok ioon. Ekar je menin:
“Iaar lo juon joor in meram ilōn̄ in wōt bōra, eo meram eo an emeram ļo̧k jān al ilo raelep, eo eaar jidik wōt an wanlaļtak m̧ae iien eo ej pād ejjak eō.
“Ej jab etto jān ke eaar waļo̧k iaar lo n̄a make deor jān rikōjdat eo me eaar lukwōj eō. Ke meram eo ar pād ioō iaar lo ruo Armej, ro meram im aiboojoj eo aer eaar eļļāļo̧k jān aolep wāween kōmmeļeļe, rej jutak ilōn̄ū ilo mejatoto. Juon iair ear konono n̄ōn iō, ear kir io kin et eo eta, jitonlok eo juon im ba—En̄in Nejū Jiten bōro. Ron̄jake E!” (Josep Smith—Bwebwenato 1:16–17).