Riwaj ro ioon Tawōr eo
Riwaj ro
Riwaj ro rekar aped ioon juon wall ak ilo juon tawōr bwe ren wate n̄e elōn̄ kakkōl in jorrāān ko rej itok jān jikin ko rettoļo̧k. Kar kōjerbal er n̄an kōjparok bukwōn ko barāinwōt jikin kallib ko, meļaaj ko, ak ujooj ko.
Elōn̄ Kain Tawōr ko
Tawōr ko ilo wall ko ilo bukwōn eo rekar kalōki āinwōt kōjem̧ ko ak dam̧ ko (lale 2 Kronikel 26:9). Jim̧or kōjem̧ im dam̧ ko an tawōr ko maron̄ kōm̧m̧an ad maron̄ reilo̧k im lo kauwōtata ko rej itok jum̧ae rikōjdat ro jān aer deļo̧n̄ (lale 2 Kronikel 26:15).
Em̧ tawōr ko ak em̧ ebbaar ko routiej ekkā aer em̧ ko kalōki ioon jikin ko routiej ak toļ ko. Jet iien rej em̧ ko rekillep rej erom juon jikin kone eo āliktata n̄an aolep armej in bukwōn eo n̄e elōn̄ iktōltōl in kōbata ko rej jerjer (lale Ri Ekajet Ro 9:46–52).
Tawōr ko ilo jikin kallib ko, meļaaj ko, ak ujooj ko rekar em̧ ko reddik kalōki n̄an jipan̄ kōjparok mennin eddōk ko im mennin mour ko jān riko̧o̧t ro im mennin mour ko (lale 2 Kronikel 26:10; Aisea 5:2; 27:3). Ekkā wōt an, ļābōļ eo ilaļ ilo tawōr wōr juon ruum̧ ijo kein jerbal ko rej pād ie.
Riwaj ro ioon Tawōr eo:
Ej pād ijo eutiej n̄an lale. Āinwōt an Anij kūr im kōmālim ro rikarejaran, rikanaan ro rej jenolo̧k jān laļ in, kepaak ļo̧k E, im maron̄ in lo men otemjej jān juon jikin ilan̄.
Loe men otemjeļo̧k ko aolep rej jab maron̄ loi. “Im juon rilolo emaron̄ jeļā men ko remootļo̧k, im barāinwōt men ko rej itok, im kōn er aolep men naaj kwaļo̧k, ak, ilo jim̧we in, men ko rettino naaj kaalikkari, im men ko rej ņojak naaj itok n̄an meram, im men ko jab jeļā kaki naaj jeļā kaki jān er, im barāinwōt men ko naaj jeļā kaki jān er ren kar men ko jamin kar jeļā kaki.” (Mosaia 8:17).
Rej popojakjak im kakkōl. Rikanaan ro ewōr juon aer eddo eaorōk n̄an kakkōl kōj kōn kauwōtata ko rej itok, im er rej wōņm̧aanļo̧k im kōm̧m̧an āindein mekarta meļeļe ko ilo̧bwilej ak oktak ko ejaaki jān jukjukin pād eo.
Kakkōļ kōn men ko im iien ko me rej ettoļo̧k wōt. “Juon rikanaan ej akōjdate jero̧wiwi im ej rikaniji jem̧ļo̧k ko an. E ej juon rikwaļo̧k kōn wānōk. Jen iien n̄an iien, rikanaan ro remaron̄ bablaļ n̄an rikaniji ilju im jekļaj n̄an em̧m̧an eo an aolep armej” (Unin Tōl eo n̄an Jeje ko rekwōjarjar, “Rikanaan,” lds.org/scriptures/gs).
Letok aenōm̧m̧an im kōjparok. Jān eo̧ron̄ kakkōļ ko an rikanaan ro, jemaron̄ lo aenōm̧m̧an im ettoļo̧k jān m̧akūtkūt in kakkure ko me remaron̄ in waļo̧k n̄an kōj āinwōt kajjojo ak āinwōt juon kurub, eļan̄n̄e jej jab pokake.