Mga kamot, Kasingkasing, ug usa ka Pahiyum
Ang tagsulat nagpuyo sa Utah, USA.
Naniid si Lydia sa iyang Mama nga nag-andam para sa trabaho. Iyang Mama nang-lipstick og pink. Gwapa kaayo siyang tan-awon.
Mitan-aw si Lydia sa samin. Naguol siya. “Wala koy lipstick,” miingon si Lydia. “Nan dili ko gwapa.”
Hugot siyang gigakos sa iyang Mama.“Ang pagpanglipstick dili mao ang makapagwapa sa mga tawo. Ang pagkalig-on ug ang pagkamabination maoy makapagwapa sa mga tawo.
“Ikaw lig-on ug mabination kon ang imong mga kamot maghimo og maayong mga butang sa uban.
Ikaw lig-on ug mabination kon ang imong kasingkasing puno sa gugma alang sa tanan nga imong ikahimamat.
“Ug ikaw lig-on ug mabination kon ikaw mopahiyum. Kana usab ang makapalipay sa tanan nimong mahimamat.
“Ang imong pagkalig-on ug pagkamabination maghimo nimong gwapa sa sulod, dili lang kay sa gawas.”
Si Lydia gusto nga mahimong lig-on ug mabination.
Gigamit niya ang iyang mga kamot sa pagdala sa sulat para ni Lolo. Gihatag niya ang nahibilin nga chocolate-chip cookie ngadto sa iyang ig-agaw.
Gibati niya ang gugma diha sa iyang kasingkasing kon makigdula siya sa iyang bag-ong silingan. Gibati niya ang gugma diha sa iyang kasingkasing kon mohatag siya og sinsilyo sa batang babaye nga nangolekta og kwarta para sa walay mga balay.
Pahiyuman niya ang mga tawo nga iyang makita. Mobalos pud sila og pahiyum.
Nianang gabhiona si Lydia misulti ni Mama, “Sakto ka mama! Gibati nako nga lig-on ug mabination. Gigamit nako ang akong mga kamot ug akong kasingkasing ug ang akong pahiyom karong adlawa.”
Mipahiyum iyang Mama.“Ikaw lig-on ug mabination, sama sa gusto ni Jesus kanimo!”