Mga Istorya sa Basahon ni Mormon
Samuel Nagtudlo mahitungod ni Jesus
Gikan sa Helaman 13–15, 3 Nephi 1:13–15, 21
Si Samuel usa ka propeta. Siya mikat-kat ngadto sa mga paril sa dakbayan aron sa pagsangyaw. Gisultihan niya ang mga tawo nga sila kinahanglang maghinulsol ug magbaton og hugot nga pagtuo ni Jesukristo.
Gitudlo ni Samuel nga si Jesus sa dili madugay matawo na. Usa ka bag-o nga bitoon modan-ag. Ang kalangitan magpabilin ang kahayag sa tibuok gabii!
Gitudlo niya nga sa higayon si Jesus mamatay, mongitngit sulod sa tulo ka adlaw. Daghang siyudad ang mangaguba.
Pipila ka mga tawo mituo ug gibunyagan. Ang uban dili motuo ug nasuko. Ilang gilabay og mga bato ug gipana si Samuel. Apan ang Dios mipanalipod kaniya, ug siya wala maunsa.
Ang mga katawhan kinsa wala motuo naningkamot sa pagdakop kang Samuel. Apan si Samuel nakaikyas.
Lima ka tuig ang milabay, natawo si Jesus. Usa ka bag-ong bitoon nagpakita sa kalangitan. Kadto sama sa gitudlo sa Samuel!