Mga Tingog sa mga Santos sa Ulahing mga Adlaw

Pagtipig og Pagkaon: Linata nga Keso ug ang Datahan sa Balay

Yvonne Aston, Channel Islands, United Kingdom

Paghulagway pinaagi ni Stan Fellows

Dihang naminyo ko, gisugdan nako ang pagkugi sa pagtipig og pagkaon. Ang akong bana ug ako gusto nga makatigom og daghang suplay, apan dili makapalit sa tanan diha-diha dayon, mao nga mihukom kami nga mamalit lang og ekstra sa matag semana. Mangita mi og dunay mga special offer sa mga butang nga kanunay namong paliton, ilabi na sa mga linata nga pagkaon.

Ganahan kong magtan-aw sa akong aparador nga makita nga ang diyutay nakong tinipigan nag-anam og kadaghan. Kon masipyat mi sa pagpamalit og dili lami nga linata nga keso, ang akong bana magmaisugon sa pagkaon og usa ka lata kada semana hangtud nga mahurot kini. Dihang nakatigom na mi og igo-igo nga gidaghanon sa among pagtipig og pagkaon, nagsugod mi sa pagkaon gikan niini, nakahunahuna nga ilisan namo og duha ang usa nga among makaon.

Wala madugay ang among aparador hapit na mapuno, namalit mi og mga pagkaon nga tipigan para sa among iro ug mga iring. Nagsugod sab mi og tipig og mga dahon ug mga lamas, trigo, tubig ug softdrinks, ug bisan unsa nga gigamit namo kada adlaw nga dili pagkaon, sama sa sabon, pahumot, ug mga panglaba.

Dayon nagpalit mi og balay, ug sa hapit na gyud makompleto ang pagbayad, ang datahan taas kaayo og tubo. Kinahanglan kami nga mabuhi pinaagi sa maong gitipigan nga pagkaon sulod sa hapit usa ka tuig aron dili mawala kanamo ang among balay.

Ang pagtipig og pagkaon usa na lamang ka bahin sa kinatibuk-ang pag-atiman sa panimalay karon. Nagamit namo kini ug napanalanginan gumikan niini sa matag adlaw. Nagpasalamat ko nga naminaw mi sa tambag gikan sa mga propeta sa Ginoo tungod kay nagpasabut kini nga karon mahimo na kong motan-aw sa palibut nga mapasalamaton sa kainit ug hayahay nakong panimalay.