Atong Pahina

Si Jesus sama sa usa ka maayong magbalantay, ug kita ang Iyang mga karnero. Gusto Niya nga moatiman kanato.

Victoria P., edad 10, Federal District, Brazil

Aduna akoy maayo nga kasinatian sa dihang siyete anyos ko. Gusto nakong masayran kon tinuod ba ang Simbahan. Busa nag-ampo ko ug nangutana sa atong Langitnong Amahan. Nahuman ko sa pag-ampo, ug mihigda ko aron matulog. Aduna koy damgo diin si Jesukristo misulti kanako, “Kini mao ang tinuod nga Simbahan.” Sa dihang mimata ko, akong nahinumduman ang akong damgo, ug ako nasayud nga anaa ko sa tinuod nga Simbahan.

Miranda R., edad 9, Querétaro, Mexico

Malipayon ko nga nahimong usa ka miyembro sa Simbahan. Si Jesukristo mao ang akong higala ug nagprotekta kanako ug sa akong pamilya. Gusto kong mobisita sa templo. Ganahan ko sa family home evening ug sa Primary.

Angel M., edad 11, Colón, Panama

Alang sa usa ka tumong diha sa among booklet nga Hugot nga Pagtuo diha sa Dios, nakahukom mi nga mohimo og usa ka modelo sa Templo sa Montevideo Uruguay. Miabut og usa ka tuig ang paghimo, apan nindot gayud kini. Kon mag-12 na mi, ang among tumong mao ang pag-adto sa templo.

Samuel O., edad 10, ug Enzo S., edad 11, Rivera Department, Uruguay

Imo Nang Turno!

Mahimo nimong ipakigbahin ang imong kasinatian, pagpamatuod, ug litrato ngadto sa Atong Pahina. I-email ngadto sa [e-mail] ug ilakip ang pagtugot sa ginikanan, o bisitaha ang liahona.lds.org ug i-klik ang “Pagsumiter og Artikulo.”