Айлчлагч багшийн захиас бичиг
Гэрээнүүдээ сахиснаар ирдэг санваарын хүч
Энэ материалыг залбирч судлаад, юуг хуваалцахаа мэдэхийн тулд сүнслэг өдөөлт эрэлхийл. Халамжийн нийгэмлэгийн зорилгыг ойлгох нь Бурханы охидыг мөнх амьдралын адислалуудад хэрхэн бэлтгэх вэ?
“Бид амьдарч байгаа нөхцөл байдлаасаа үл хамааран санваарын хүч чадлаар цаг үргэлж адислагдан амьдарч чадна гэсэн захиасыг би бүх хүнд хүргэхийг хүсэж байна” гэж Арванхоёр Төлөөлөгчийн Чуулгын ахлагч Нийл Л.Андэрсэн хэлжээ.
“… Та нар санваарын ёслолуудад зүй зохистой оролцох үед Их Эзэн та нарт агуу хүч чадал, амар амгалан болон мөнх амьдралын найдварыг өгөх болно. Та нар амьдарч байгаа нөхцөл байдлаасаа үл хамааран ‘санваарын хүч чадлаар адислагдах болно.’”1
Бид хэрхэн санваарын хүчийг амьдралдаа урих вэ? Арванхоёр Төлөөлөгчийн Чуулгын ахлагч М.Рассэлл Баллард “баптисмын усанд орсон, Их Эзэний өргөөнд хувийн хишгээ хүлээн авсан хүмүүс арвин, гайхамшигт адислал хүлээн авах эрхтэй байдаг. Хувийн хишиг нь хүч чадлын бэлэг … [бөгөөд] Тэнгэр дэх Эцэг маань Өөрийн хүчийг өгөөмрөөр өгдөг” хэмээн сануулжээ. Эрэгтэй, эмэгтэйчүүд ариун сүмд “бүгдээрээ санваарын хүч хэмээх тодорхойлолттой” “адилхан хүчээр хишиг хүртдэг”2 гэдгийг бидэнд сануулсан.
Халамжийн нийгэмлэгийн ерөнхий ерөнхийлөгч Линда К.Бөртон “Санваарын хүч нь бидний гэр бүл, гэр орондоо байлгахыг хүсдэг зүйл учраас энэ хүчийг амьдралдаа урихын тулд бид юу хийх хэрэгтэй вэ? Хувийн зөв шударга байдал санваарын хүчийг хүлээн авахад зайлшгүй шаардлагатай”3 гэж хэлжээ.
“Бид Их Эзэний өмнө өөрсдийгөө даруусгаж, Түүнээс өөрсдөдөө заахыг хүсвээс Тэрээр бидэнд Өөрийнх нь хүчийг хэрхэн илүү сайн ашиглаж болохыг зааж өгнө” хэмээн Арванхоёр Төлөөлөгчийн Чуулгын ерөнхийлөгч Рассэлл М.Нэлсон хэлсэн.4
Нэмэлт судар болон мэдээлэл
1 Нифай 14:14; Сургаал ба Гэрээ 121:36; 132:20; reliefsociety.lds.org
Итгэл гэр бүл халамж