E toru hiero tei ha’amo’ahia

Mai te ’āmuira’a rahi i ’ēperēra 2017 ra, ’ua ha’amo’ahia ’e ’ua ha’amo’a-fa’ahou-hia e toru hiero. ’Ua ha’amo’ahia te hiero nō Paris (Farāni) i te ’āva’e mē, te hiero nō Idaho Falls (Idaho, Marite) i te ’āva’e tiunu ’e te hiero nō Tucson (Arizona, Marite) i te ’āva’e ’ātete.

E ha’amo’ahia te hiero nō Meridian (Idaho, Marite) i te 19 nō novema 2017 ; te hiero nō Cedar City (Utah, Marite) i te 10 nō tītema; ’e e ha’amo’a-fa’ahou-hia te hiero nō Jordan River (Utah, Marite) i te 20 nō mē 2018.

E 23 hiero tei fa’aarahia te patura’a ’aore rā tē fa’aineinehia ra ’aore rā tē patuhia ra nā te ao ato’a nei. E ono hiero tei ’ōpanihia nō te tahi fa’a’āpīra’a, ’e e pae hiero tei tārenahia e ’ōpanihia nō te tahi fa’a’āpīra’a i te matahiti 2018.

E ’itehia te mau fa’atanora’a ’e te mau ha’amāramaramara’a i ni’a i te temples.lds.org