Ia Toa E Agalelei!

Talofa! O a’u o Kalaotia ma ou te nofo i Ausetalia. Ou te faasusulu atu lo’u malamalama e ala i le agalelei atu i isi.

Ou Te Tu Atu mo Isi

E i ai se tamaitiiti i la’u vasega i le aoga e faafaigata ona ia aoaoina se mea. Ou tu atu mo ia pe a faalili o ia e tagata, ma ou te fesoasoani ia te ia i le vasega pe a ia manaomia. Fai mai lo’u faiaoga na pau lenei o le tausaga ua lagona ai e lea tamaitiiti o ia o se vaega o lana vasega.

O La’u Tama’i Teli Pea

Ina ua oti le tuagane o le tina o lo’u faiaoga, sa faanoanoa lava o ia. Na te le iloa se mea e uiga i le Ekalesia, o lea sa ou fai atu ai ia te ia e alofa le Tama Faalelagi ia te ia. Sa ou faia se kata mo ia ma ta’u atu i ai o le a toe vaai i le tuagane o lona tina. Sa ou avatu ia te ia la’u tama’i teli pea faapitoa e fesoasoani ia te ia i ona taimi faanoanoa.

O Uo Laki

E faafaigata i lo’u tuaoi o Olivia ona savali, tautala, ma faalogo. Fai mai le tina o Olivia ua laki Olivia i le i ai o sana uo e pei o au. Ua ou laki foi au ia!

Pesepese ma le Agaga Paia

Ou te fiafia lava e usuusu pese mai le Tusipese a Tamaiti. Fai mai lo’u aiga e fesoasoani ia i latou e lagona ai le Agaga Paia. E aumaia e le Agaga Paia ia te au se lagona mafanafana i totonu.