“Kibara te Karaanga!”

Elvin Jerome Laceda

Pampanga, Philippines

N te bong teuana tibu te unaine e tuangai bwa N na uoti amwarake ake e a tia ni katauraoi nakon ai tinau. Boni bwakantaain te Kaonobong ae kabuebue, ao a rang mwaiti bwaai tabeua aika I tangiria ni karaoi ibukin tibu te unaine. I tuangnga bwa e na butiia temanna ai tariu bwa e na nako, ma e bontangirai bwa N na nako.

E a nako te aoa, ao Ia moanna n namakinna bwa I riai ni karaoa are e bubutiai tibu. I anaa te amwarake ao I kakaea kawaiu ni kawara ana auti ai tinau. E bon raroanako, ao ngke I roko, I aki iangoia bwa N na tiku ni maan.

I kunea ai tinau ma te teei ae nimaua ana namwakaina n te aamwake are e bae nakon uakai aroka aika mwangkoo. Iai aroka aika a tei irarikin te karaanga i akuun te auti. I rianna ni kainetia bwa N na nikira te amwarake. N te tai ae karina, e moti te roobu are e bae iai te amwake. Ai tinau ao te teei a rabino ni bwaka inanon te karaanga. E roko irou te maaku. I babanga n uaua, ao akea ae kaan ae e kona n ibuobuoki. I aki ataa te bwai ae N na karaoia.

N te tai ae waekoa, I ongo bwanaan te Tamnei: “Kibaria!”

I waekoa N iranako te namakin aei, I kiba. E tekeraoi, e reke irou te teei inanon uoua te teekan, ao ai tinau e kona n otinako man te ran. Ngke I otinako man te ran ma te teei, I aki kakoaua te bwai are e a tibwa riki. I kibara te karaanga ngke I aki ataa aron te uaua, ma ibukina bwa I kakauongo nakon te Tamnei, Ngai ma ai tariu ae uarereke ti maiu ao ti aki bwabwa.

I a ataa kakawakin ataakin ao te kakauongo ao te kairiiri are e anganiira te Atua rinanon te tamnei ae Raoiroi. I kakatonga bwa I bon karaoa are e tuangai tibu te unaine ao I uota te amwarake nakon ana auti ai tinau. I ataia bwa ti riai ni karaoa te mwakuri bwa ti na kakai namakin nakon ana wirikiriki te tamnei bwa ti aonga ni kona n riki bwa bain te Atua ni buokiia Natina.