“Ngkana I namakinna bwa e a bua au onimaki, tera ae I kona ni karaoia ni kaokia?”

Nakon Booki aika Tabu

Ngkana e kaangaanga irou namakinan te Tamnei, e buokai n nakon booki aika tabu ao ni kunea te onimakii ae a karekea aomata ni kabane. E anganai te onimaki. Tao a rangin kimototo am tataro. Kataia karaoia bwa a na koaua riki ao te Tama are i Karawa e na buokiko ni manga kaoka am onimaki.

Chris B., ana ririki 14, Oregon, USA

Kamwarakea Uaan te Onimaki

I ataia bwa I kona n tataro nakon te Tama ao ni butia bwa e na buokai ni kateimatoa mwaitin au onimaki are I karikirakea nakon te tai aei. I riai ni karaoi bwaai aika kainnanoaki ni kamwarakea, n aron warekan booki aika tabu, n ukoukori taneiai n te tamnei, n iangoi au kakabwaia, ao ni bubuti buokau mairouia au utu. N te kawai anne, e a manga moanna n rikirake au onimaki. E aki riki n ae waekoa n ananaun teuana te tairiki—bon te waaki are e anaa te tai. I riai n taotaonaki n nano ao n onimakina te Uea.

Elías B., ana ririki 18, Mendoza, Argentina

Kataia Uaia ni Kakaea Katokana

Ngkana I namakinna bwa e a bua au onimaki, I taetae nakon tinau ao tamau, ao ti kaai ni uaia ni kakaea katokana. N tabetai ti anenei kuuna aika anainano imwiina n te aro bwa ti aonga n namakina te Tamnei.

Emmalie C., ana ririki 15, Colorado, USA

Butiia Am Karo

N reitan te tataro ni kaineti nakon te Tama are i Karawa, ti kona ni butiia ara karo bwa ti na kanga ni kona n oki Nakoina ao ni kaoka ara onimaki.

Elías S., ana ririki 12, Paysandú, Uruguay

Tataro, Ibuobuoki, ao Wareware

N aron te aomata are e keerikaaki inanon te onimaki, iai teniua bwaai ake I karaoi ni manga karekea. Te moan, I tataro. Tataro ibukin te korakora ao n ataia bwa tera ae I riai ni karaoia ni kamwakuria raoi. Te kauoua, I tuangiaa raoraou ake I rena ma ngaiia, ao e korakora buokau irouia ngkana I kainnanoia. Te kateniua, I wareki booki aika tabu. Angiina a irekereke ma te onimaki ao a buokiira ni manga karekea.

Jack J., ana ririki 14, Florida, USA