E Bua ao E a Manga Reke

Iroun Cael S., ana ririki 8, Virginia, USA

I ataia bwa te Tama are i Karawa e kaekai ara tataro. Ngke a maeka au utu i Tiaman, ti nako n te Volksmarch n ara kaawa. Volksmarch bon aia tai ni kakukureia iai raoraora ao kaain rarikira ni bane ni bootaki n nakonako. A taku au karo bwa I kona n nakonako n rimoaia kaain te kurubu ma temanna raoraou, ao ti wakinna n te kawai ae abwabwaki.

Imwiin tabeua te miniti I aki kona n noora temanna kaain au utu. I tuanga raoraou bwa n na tiku iaon te kawai ao n tataningaia. E aki maan I aki kona n noora raoraou ke ana utu, ao a tuai man roko au karo. Ti ngai n te buakonikai, ao I namakina te maaku. I iangoia bwa n na tataro bwa n na kuneaki.

N iteran te buakonikai are teuana, e namakina te Tamnei ae Raoiroi au karo n tuangnga, “Naako kakaea natim.” E namakina aron kainnanoana irou, ngaia are e rairaki nakon angataina ao n tuanga tinau bwa e na nako ni kakaeai. Tabeua te miniti imwiina e roko au karo ni biri n ira te kawai are I tataninga iai ao ni kuneai iai. I rangin ni kukurei n noora au karo! Ngke e tuangai ana namakin ae korakora bwa I kainnanoa te ibuobuoki, I ataia bwa e a tia te Tama are i Karawa ni kaeka au tataro.

I rangin ni kukurei n ataia bwa te tabo raa ae I mena iai, I kona n taetae ma Tamau are i Karawa. E na buokai ni kakaea kawaiu.