Nakon Raoi te Iango
Bukin Tera E Kariaia te Buaka te Atua?
Tamnei iroun Getty Images
E a tia n riki te buaka bwa mwakoron te karaki irouia aomata n te aonaaba aei ni uakaan ma moanakin te tai. Ma te Uea, te Uea n Raoi, e aki tangiriira bwa ti na karaoa te buaka imarenara. E na tang ngkana a rineia aomata bwa ana aki tangiriia bon irouia ao “n akea aia tangira, ao … a ribaia aika oin raraaia” (Mote 7:33), ao ni kabuakaka te aonaaba n te tiritiri (taraa Karikani Bwai 6:11–13). Buakakaia a uota te buaka nakon te aonaaba ibukin buakakaia a na motikaki taekaia ibukin aia mwakuri.
E a tia te Uea n tuangiia Ana aomata bwa a na “totokoa te buaka ao ni katanoata te rau” (R&B 98:16). E ngae n anne, ao ngkana a karaoi buaka imarenaia, e a tia naba te Uea n taekinna bwa n tabetai ti kakoaua bwa ti na kamanoia ara utu, abara, ao inaomatara ni kaitarai uruaki, bwainikirinakiia aomata, ao te bwainikirinaki (taraa Aramwa 43:47; Aramwa 46:12–13; R&B 134:11). Ao Aika Itiaki ni Boong Aika Kaitira aika a beku n tautian abaia’ a karinea te reirei ni “kabaeaki nakoia uea, beretitenti, taan tautaeka, ao taan moti” (Taekan te Onimaki 1:12).