En̄in Jikin Eo

Simeon Nnah

Aba, Nigeria

Jema, juon Rikūrjin eo ewūjļepļo̧k, kar katakin eō n̄an tōmak ilo Jisōs Kraist. Tōmak in eaar jipan̄ eō ke iaar pād jilu iiō in tariņae an Nigeria ilo 1960 eo. Ijoke, tokālik, iaar jino pok im bōjrak aō etal n̄an jar.

Ke iaar itok n̄an United States ilo 1981 n̄an bōk jeļāļo̧kjeņ, iaar en̄jake ke iaikuji Anij ilo mour eo aō. Ium̧win ruo iiō ko in aō etal n̄an m̧ōnjar ko reoktak ilo Boston, Massachusetts, ak ejjeļo̧k iaer eaar alikkar ippa. Iaar jab en̄jake Jetōb, kōn menin iaar bōjrak.

Ejjab etto ālkin an kōrā eo ippa, Mabel, itok ippa jān Nigeria ilo 1984, iaar bar jino wōr juon ikdeelel n̄an bar kepaakļo̧k Anij n̄an pād ilo m̧ōņjar. Juon m̧ōtta eaar lotok jān Nigeria kar jab jeļā bwe ij pukot juon m̧ōņjar, ak eaar ba n̄an eō kōn juon m̧ōņjar me eaar ron̄ kake me ewōr ie juon bok ņaetan Bok in Mormon.

Ālkin, iaar wōnm̧aanļo̧k wōt im pukot m̧ōnjar ko. Iaar lo juon m̧ōnjar ņa etan Kabun̄ eo an Jisōs Kraist im Armej ro Rekwōjarjar ilo Raan ko-Āliktata. Naan in rekwojarjar eaar kailbōk eō. Iaar jab jeļā ewōr juon m̧ōnjar membōr ro ie ņaetan rekwojarjar. Jabōt eo iaar ļōmņak bwe in wate.

Ilo kweilo̧k in kwojkwoj eo iaar pād ie, jarlepju eo raar al al ko ilo juon wāween eo ejejjet, pris ro raar kōjeraam̧m̧an pilawe im dān eo, im tōl jar eo eaar kōm̧m̧an ilo jejjet im em̧m̧an. Ālkin, ke ij etetal ilo foyer eo im kar dedeļo̧k jar eo, iaar ron̄ eta.

“Simeon,” ainikien Jetōb eaar ba, “en̄in jikin eo.”

Ilo menin, ruo mijenede raar jibadōk tok eō. Raar kwaļo̧k kajieer make im kōn Bok in Mormon. Iaar kalimjōk er im ba, “Ijjab jeļā jabdewōt kōn Bok in Mormon, ak ijeļā kōn Baibōļ eo. Ij pojak.”

Raar jino katakin eō kōn karōk in lo̧mo̧o̧r. Ium̧win jet allōn̄ tokālik, iaar peptaij. Tokālik kōrā eo ippa eaar kobatok ilo Kabun̄ in. Jet iiō tokālik, kom̧ro kar liāp ilo Washington D.C. Tampeļ im ajri ro ļalem nejum̧ raar liāp n̄an kōm̧.

Ilo tampeļ eo, elōn̄ men ko raar waļo̧ktok n̄an eō, ak naan ko iaar ron̄ ilo jinoin aō pād ilo m̧ōnjar eo raar kam̧ool n̄an n̄a elōn̄ alen kōn revelesōn ilo tampeļ eo: “En̄in jikin eo.” Mool eo an ennaan in jān Jetōb Kwojarjar eaar ukōt mour eo aō indeeo im mour eo an kōrā eo ippa im ajri ro.