Rijikuuļ ro Remaron̄ Kōmat
Rijikuuļ ro jān College eo an Marshall Islands kiiō remaron̄ kōmat ilo juon jikin kōmat ekāāl.
Kūlaaj in Nutrition 114 ilo College en rekijon̄ kōmat ilo marine science laboratory eo ilo iiō ko ralitōk remootļo̧k ak kiiō renaaj em̧akūtļo̧k n̄an juon, jikin kōmat eo eobrak kōn kein kōmat.
LDS Charity eo eaar leļo̧k jāān in jipan̄ n̄an m̧wiin ekāāl eo ekoba jito̧o̧b, aijbo̧o̧k, kein kōmat im kōbwebwein jikin kōmat.
“Kabun̄ in ej aolep iien pukot wāween ko n̄an jipan̄ jukjukinpād en eļaptata aikuj ko kōn ājmour,” Elder Craig Preston eaar ba, juon senior missionary ej jerbal ļo̧k ippān kōrā eo pāleen Nancy Preston.
Eaar ba bwe ļōmņak eo n̄an kōm̧m̧ane juon jikin kōmat ejenoļo̧k eaar juon menin jibadbad eo an Marshall Island Journal eo ekar kwaļo̧k bwe kūlaaj in Nutrition eo ilo College aikuj jipan̄ āinwōt rej kōmat ilo juon laboratory.
LDS Charity eo eaar jibadōkļo̧k ro tello̧kier ilo College eo n̄an leļo̧k jipan̄, im juon pepe n̄an jipan̄ kōn juon jikin kōmat ekāāl eaar bōk jikin.
Dr. Theresa Koroivulaono, būreejtōn eo an college eo, eaar kam̧m̧oolol Kabun̄ in kōn im̧ōn kōmat eo ekāāl innām e im Sister Nancy Preston raar m̧wijit m̧ōttan eo ilo iien kōjeraam̧m̧an eo.